Luka 7:38 - Mawu a Mulluku

³⁸ Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Luka 7:38 ပူးပေါင်းရင်းမြစ်များ

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Oollalleya 9:8

Enthawi ddittheddene owareke ddoowara ddaphaama enthawi ddittheddene nave wiihelleke makhura owiitthoni.

Masalimo 51:17

Mukutho oyo munahakallalleenyuna tti murima wawiiyeviha, murima wa ethakaraka ni woorukunuwa, nyu Mulluku khamuwuvevulla.

Genesis 18:4

Asimaaddi vang'ono ewe wi muhuwe manyallo. Mweereke mwiithuuwaka vamuteekhonimva.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Masalimo 38:18

Kinnaakhullella machimwaaka, kinnakhupanya ekaamba ya onanara waka.

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yowele 2:12

Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.

Yesaya 57:9

Munniihella makhura ni ddawunkhella ddinchichi nave munnaya woollapella nifano na Moleki. Munnaaruma amithenga naari o ellapo ya ookhwa.

Nchipo na Solomoni 1:3

Makhuraawo awiihella ennunkhellesesa. Nnddina nawo tti makhura awunkhella oomimina, sika ekaambiiwa anamwalli enuukondelliiwa.

Luka 22:62

Vano Petro aakhuma vaatte inllaka ekaamba ya ethakaraka ddinchichi.

Luka 7:37

Mu etawoni yeeyo mwaakhallattho mutthiyana oochimwa. Iiwalleeye wi Yesu ammacha mpa mwa Mufarisi aakusa yookusella makhura a nthuko naphaama awaana.

Luka 7:39

Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Yohane 11:2

Mariya yoolla tti olle aazozille Apwiya makhura a nthuko naphaama ni waapukuta manyallwiiwa ni meehaaye. Lazaro oovoriiwooyo aari murokoriye.