Luka 7:25 - Mawu a Mulluku

²⁵ Ddaahiri ddiiddo, vano mwayiillewo wi moonewo tini? Muthu oowara ddoowara ddookotana? Iyaayi, athu oowara mwawi ddiidda eyaaka omachellelloni enakhalla mu enyumba dda mamwene!

Luka 7:25 ပူးပေါင်းရင်းမြစ်များ

Mateyu 6:29

Nave kinimuulleellani nyuwaano wi mwene Solomoni ni eyuumaaye ettheene ariiyena, khaarina ddoowara ddooreera wonanko nimodda na malluwaalla.

Mateyu 3:4

Yohane awara ddoowara ddawoopiwa ni mapururu a ekamira,* am'makella laamba anttapara muyuununi mwaye navettho acha middope ni enwi dda muchipululuni.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Estere 8:15

Vano Mordekai aavenyavo vamiitthoni va mwene awarille ddoowara ddoomwene ddoobiliwila ni ddaweella navettho ni enduwira yoomwene yuullupalli ya golide. Aawarattho mukanjo wabafuta woofiira nave muzinda muttheene wahaamba okhuwa moohakallalla.

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Estere 4:2

Olliye iimellille vakhuviru ni mullako wa mwene vawi khaarivo muthu naari mmodda oyo aakhullelliwa ovollowa va mullako wa mwene awarille nthumba.

Estere 1:11

Nave ahaalamula wi eweena mwaaramwene Vasiti vamiitthoni vaye awarille enduwira yoomwene vawi Vasiti aari mutthiyana ooreera wunchichi. Sikathi mwene apaalla wi enduna ni alleto attheene eddoonelle oreera wa mwaaramwenooyo.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

2 Mamwene 1:8

Alliwa yahaakhulla wi, “Muthooyo awanre ddoowara dda mapururu ni laamba anttapara muyuununi.” Sika mwenooyo aallota wi, “Yooyo tti Eliya Mutishibe.”

1 Mamwene 10:5

ddoocha ddaye, mmo enduna ddaye ddakhallelliiwa, miimellello ni mawarello a oorumeyellaaye, oorumeyellaaye oovelleella ddoowirya ni mikutho ddaye ddooshellelliha avelleelleeye mu enyumba ya Apwiya, khaarittho ni yoollota.

2 Samuele 19:35

Vano miyakha ddaka ddiri 80. Ethiyo mi ttuuwora ohiyaniha ddeko ddoohakallalliha ni ddeko ddoohihakallalliha? Ethiyo mi oorumeyellaanyu ttuuwora odduwella oddiva wa yoocha apaalle wa yoowirya? Ethiyo mi ttuuwora wiiwa wiipa waallopwana apaalle waatthiyana? Kaambiiwa tini miyaano kinaakhalleemi wonanko katundu oollemella ootthinddanyeriwa va nyuwaano, apwiyaaka amwene.

Mateyu 11:8

Ddaahiri ddiiddo, vano mwayiillewo wi moonewo tini? Muthu oowara ddoowara ddookotana? Iyaayi, athu oowara mwawi ddiidda enakhalla mu enyumba dda mamwene!

Luka 7:24

Oorumiwa a Yohanaayo etimullalle, Yesu ahaamba ollota dda Yohane wa athwaalle wi, “Ethiyo mwayiilleenyu wa Yohane mu echipululu, mwapaalla moonewo tini? Muthu otikheyatikheya ni ephevo wonanko epango?

Luka 7:26

Vano mwayiillewo wi moonewo tini? Namallotella? Ddawoona, kinimuulleellani wi mwaamoonillewo ookhwaranya namallotella.

Luka 16:19

“Waakhalla muthu mmodda eeyuuma oyo awara ddoowara ddoowallamella mutengo nave nllapo ni nllapo aanakhoza machellello a ddoocha ddinchichi.