Luka 7:22 - Mawu a Mulluku

²² Yesu aawaakhulla oorumiwa a Yohane wi, “Hokollowani mwamulleelle Yohane dda ddeko mwiiwalleenyu ni moonilleenyu. Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Luka 7:22 ပူးပေါင်းရင်းမြစ်များ

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Mateyu 21:14

Vano athu oohoona ni ookhwa meto yaawa wa olliyooyo mu enyumba ya Mullukweeyo nave olliyooyo ahaachiriha.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Luka 7:21

Enthawi yeeyo Yesu ahaachiriha athu anchichi oovoriiwa ereta ddoohiyanahiyana nave aakhumiha minepa ddoonanara nave aawooniha athu oohoona anchichi.

Zefaniya 3:12

Variyari vanyu kineerewaahiya awiiyeviha ni ookittha, alliwa eneerewaasha voothawellavo mu nnddina na Apwiya.

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yesaya 43:8

Apwiya enallota wi, “Wiithaneni athwaaka o nthato namillatu. Miittho aakhallana koma khenoona, maaru aakhallana koma kheniiwa.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Masalimo 146:8

ennahulla miittho a athu oohoona. Apwiya ennaawelliha athu ookitthihiwa, ennaakonda oolungama.

Yobu 29:15

Kaari miittho wa oohoona, meto wa oorakalla.

Mitteko 8:7

Minepa ddoonanara ddaakhuma mwa athu anchichi ddinllaka mookhuwa nave athu anchichi ookhwa meto ni oorakalla yaachirihiwa.

Yohane 1:46

Natanaele ahaakoha wi, “Ethiyo o Nazareti ttuuvenyera ello yaphaama?” Filipo ahaakhulla wi, “Waawo woone.”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Luka 7:23

Nave oodalisiwa tti ayo ehinakhumuwa ni dda miyaano!”