Luka 7:2 - Mawu a Mulluku

² Wenko waakhalla akhoto muullupalli a o Roma, oyo aari ni kaporwaaye aamukondilleeye oyo aavoriiwalle ohalla vang'ono okhwa.

Luka 7:2 ပူးပေါင်းရင်းမြစ်များ

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Akolose 3:22

Akaporonyu muwiiwellelleke apwiinyu a vatthimva mu ddeko ddittheddene, ohiri yaawuuweherakanive kaambiiwa munapaalla mwaahakallallihe nave mweereke ni murimaanyu muttheene ekaamba ya owoova wanyu Apwiya.

Luka 23:47

Akhoto muullupalli a o Roma oonilleeye ddeereyillennddo aamutitimiha Mulluku allota wi, “Ddawoona, muthoolla aari oolungama!”

Luka 8:42

Aamuvekille yeella kaambiiwa aakhalla ni mwaana aamutthiyana mmoddave a miyakha khumi ni miilli oyo aari vakhuviru okhwa. Vano Yesu ayeeye wenko, mullokooyo waanamupanikiza ekaamba yawaata.

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Miyambo 29:21

Waaddollweelliha waavaha erive ello allupa muttekwaawo ovenyera enamwaniiwa, mamallihellwiiwa eneeroddeesa mwanawo oomuyara.

Yobu 31:5

Miyaano ngeetille ettilla ddawoottha apaalle manyallwaaka othamakella olleka.

Genesis 35:8

Debora oomullella Rebeka ovenyera enamwanaaye, akhwenlle wenko nave aavitthiwa vatthi va muteekho wa muthundu o Betelenko. Sika nipuronno naaromolliwa wi Muteekho wa Winlla.

Mitteko 27:43

Koma akhoto muullupalloolle apaalla amuvulluse Paulo, sika ahaahiiha wi eheere ddiiddo. Vano ahalamulella ayo yadduwella osambila wi elluphelle m'maaddinimmo wi yaphiye omutundaninko mwawaamba.

Mitteko 27:3

Osaka wene naaphiya o Sidoni nave Julio aamoonihella oreera murima Paulo voomwaakhullellani wi awoone akhwaaye wi yamuvahe ddoopaalla ddaye.

Mitteko 27:1

Yiiwananiiwa wi enaphwanella ellapuwe vakallawani eye o Italiya, yaamuvelleella Paulo ni oomakiwa amodda wa Julio, akhoto muullupalli a mulloko wooromolliwa wi, “Mulloko wa Kaisara.”*

Mitteko 23:17

Vano Paulo aamwiithana mmodda a akhoto uullupalli amulleella wi, “Ngamukuseni musomboolla muyeena wa oolamulelloolle vawi ookhalla ni yawi allote.”

Mitteko 22:26

Nave akhoto muullupallooyo iiwalleeye ddenndda, aaya wa oolamulelloolle amukoha wi, “Muneereti yeella? Muthu yoollathi tti Muroma!”*

Mitteko 10:7

Nave mungeloolle aavenyavo, vano Korineliyo aawiithana allupa muttekwaaye eelli owaaka akhoto mmodda oyo aari oomullapella Mulluku nave oyo aari ovenyera mwa ayo yamurumeyella Korineliyo.

Mitteko 10:1

Waakhalla muthu mmodda a o Kaisareya nnddina naye Korineliyo, oyo aari akhoto muullupalli a o Roma a mulloko wa akhoto 100, wooromolliwa wi, “Mulloko wa Italiya.”

Luka 7:1

Yesu amallihalleeye waahuddiha athwaalle, aaya o Kaperenao.

Luka 7:3

Akhotooyo iiwalleeye dda Yesu, aamurumihella attekweene amodda a Ayuda wi yamwiithane amuchirihe kaporwaayooyo.