Luka 7:19 - Mawu a Mulluku

¹⁹ Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”

Luka 7:19 ပူးပေါင်းရင်းမြစ်များ

Yohane 4:25

Mutthiyanoolle aallota wi, “Kinnadduwella wi Mesiya* animawa oyo aneeriwa Khrisitu. Olliyooyo awa, aneeronilleella ddeko ddittheddene.”

Luka 10:1

Ddimallille ddenndda Apwiya yahaatthoolla amodda 72 yaaruma eellieelli wi ehoolle oya m'matawoni mutthemwene ni m'mapuroni mattheene nko apaalleeye wi ayeewo mwaneenaaye.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Hagai 2:7

Kineerotikha mitundu ddittheddene dda athu nave eyuumiiwa ettheene eneeroowa wuno sika enyumba yeella kineeroyiddalliha ni eyuuma yinchichi. Mi Apwiya Amasiva Mattheene koollota.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yoswa 2:1

Vano Yoswa, mwaana a Nuni, ahaaruma athu eelli wi yazonde mwawiipittheya ovenyera omisasani dda Shitimu, aalangiza wi, “Khaweni mwayizonde ellapweeyo, makamaka mwazonde muzinda wa Yeriko.” Sika athu oozondaayo yaayaawo yaphiya o enyumba ya hule nnddina naye Rahabu, yakona wenko.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Mariko 6:7

Aawiithana oohudderaaye khumi ni eelli vamodda, aamba waarumiha eellieelli. Ahaavahattho olamulello wookhumiha minepa ddoonanara.

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Luka 7:20

Yaphiyalliiwa wa Yesu, yaallota wi, “Yohane Oobatiza ooniruma wi nuukoheni wi ethiyo nyuwaano tti oyo ninamutiyeraahu wi awe apaalle nimutiyereke mmodda?”

Luka 11:1

Nllapo nimodda Yesu aavekella vanipuroni nimodda nene. Amallihalleeye, mmodda a oohudderaaye allota wi, “Apwiya nihuddiheni ovekella wonanko Yohane aahuddihalleeye oohudderaaye.”

Luka 11:39

Vano Apwiya yaallota wi, “Nyu Afarisi, munnahuwa otte wa kapu ni embale koma muwari mwanyu muddanlle nrima ni ddoonanara.

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Luka 13:15

Apwiya yahaakhulla wi, “Awoottha nyu! Khe nyuwaano munattaphulla eng'ombe ddanyu apaalle abulwaanyu vamukweeni muyaakana wowaawiryiha maaddi va nllapo na Sabata?

Luka 17:5

Amurummwa yaallota wa Apwiya wi, “Munnuwihe echikhulupililwaahu.”

Luka 17:6

Apwiya yahaakhulla wi, “Mwaakhanllekena echikhulupililo yooyeva wonanko mmiddo wa masitadi, mwaaweerollota wa muteekho wanamukuyoolla wi, ‘Otulliwe waalliwe o enyanja nave waawerowiiwellellani.’

Luka 18:6

Nave Apwiya yaallota wi, “Ganizerani ddallotille aweeruza oohikhalla ni echilungamoolle.

Luka 19:8

Zakeyu ahiimella allota wa Apwiya wi, “Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.”

Luka 22:61

Vano Apwiya yaarukunuwa emuweha Petro nave Petro ahuupuwella wi Apwiya yaamulleella wi, “Mutthupi ohininlle mahiiyu yaalla onaakhalle okikhootille oraru.”

Luka 24:34

Oohudderaayo yaallota wi, “Ddawoona, Apwiya aavenyihiwa wa ookhwa! Simoni oowoona!”

Yohane 4:1

Afarisi* yahiiwa wi Yesu annaakopa ni waabatiza oohuddera anchichi omukhwaranya Yohane.

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

Yohane 11:2

Mariya yoolla tti olle aazozille Apwiya makhura a nthuko naphaama ni waapukuta manyallwiiwa ni meehaaye. Lazaro oovoriiwooyo aari murokoriye.