Luka 7:14 - Mawu a Mulluku

¹⁴ Vano Yesu aawaatamella nave attannya nibokosi na malironno nave athu yatukhunllaayo yahiimella. Nave Yesu aallota wi, “Musombwe we, kinimuulleella wi ovenye!”

Luka 7:14 ပူးပေါင်းရင်းမြစ်များ

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

1 Mamwene 17:21

Vano Eliya aamukhupaarella mwaanooyo oraru nave aavekella mookhuwa wi, “Nyu Apwiya Mullukwaaka, muhokolloselleni mwaanoolla okumaaye.”

Aroma 4:17

wonanko mmo mawu a Mulluku enallotelliiwa wi, “Kohuukeraatthiha weyaano wi okhalle nikhollo na mitundu ddinchichi.” Lonjezo nenna Abrahamu aanaakhella ovenyera wa Mulluku kaambiiwa aamukhulupilila Mulluku oyo anaavenyiha ookhwa nave oyo analamula wi ddeko ddiphatuwe.

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Masalimo 33:9

Vawi alliwa yaallota nave ddaheereya, yaalamula nave ddahooneya.

Yobu 14:14

Ethiyo muthu akhwa ttuukhallattho ni okumi? Kineerotiyerella mallapo mattheene a ohoosiwa waka, ophiyera ottaphulliwa waka ophiyalle.

Yobu 14:12

emoddamoddave yeeyottho muthu annakona oohivenyattho. Ophiyera ddooddullu ddimanlle, khawa avenyattho, apaalle oovenyihiwa o ekhove ddaye.

Aefeso 5:12

(Tti ddoowulliha muru ollota ddeko ddineereya mwiipiphini.)

1 Mamwene 17:22

Apwiya yaamwiiwa Eliya nave okumi wa mwaanooyo waahokollweellamo ahihimuwa.

Mariko 5:41

Aamuphara nnatta naye allota wi, “Talitha, kumi!” (Ottaphullella wi, namwalli we, kinallota wa weyaano wi ovenye.)

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Luka 7:15

Nave muthu ookhooyo aavenya aamba ollota nave Yesu aamuvelleella wa amennya.

Luka 7:17

Nave epilli yeella ya Yesu yaavuwa yiiweya mu Yudeya mutthemwene ni omapuroni mattheene owaatamella.