Luka 6:7 - Mawu a Mulluku

⁷ Ahuddihi a malamulo* amodda ni Afarisi amodda yaamweetellella Yesu wi yoone eeki amuchirihe muthooyo va nllapo na Sabata wi emphwanyelle yoomwiipella mullatu.

Luka 6:7 ပူးပေါင်းရင်းမြစ်များ

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Luka 13:14

Vano muttekweene a mu enyumba yamavekello mulle aasha murima kaambiiwa Yesu aachiriha va nllapo na Sabata nave ahaalleella athu attheene wi, “Vookhalla mallapo matthanu ni nimodda oowaakhullelliwa ophara mutteko, muweeke mallapo yaalla muchirihiweke, ohikhalla va nllapo na Sabata!”

Mariko 3:2

Nave athu amodda yaamweetellella Yesu wi yoone eeki amuchirihe muthooyo va nllapo na Sabata wi emwiipe mullatu.

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

Masalimo 38:12

Awaashaasha okumaaka, ennakireya millapa, oopaalla okivoreya ennallota ddookoononga, nllapo nittheene ennapanganella ddoonanara.

Mateyu 5:39

Koma miyaano vano kinimuulleellani wi, muhinamuhokollosella muthu aweerellani yoonanara. Muthu awuukutha vanramani noonnattanatta, ohimuhokolloselle, omwinnyettho nrama noonyottho wi awuukuthe.