Luka 6:48 - Mawu a Mulluku

⁴⁸ Anaphwanaphwana ni muthu oyo voomakani enyumbaaye, aakata moowallamella nave atthipella enyumbeeyo vanllukuni. Muhinje waaddalla ni maaddi, ephiya va enyumbeeyo nave kheyaatikheye kaambiiwa yaamakiwa phaama.

Luka 6:48 ပူးပေါင်းရင်းမြစ်များ

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Yesaya 26:4

Aroromelleni Apwiya wa enthawi yoohimalla ekaamba yawi Apwiya Mulluku tti nlluku noohimalla.

Aefeso 2:20

Nyuwaano moomakiwattho va matthipello a amurummwa ni a anamallotella, ayo Khrisitu Yesu ariiye nlluku noopalleeya wunchichi.

1 Yohane 2:28

Ddawoona, anaaka, mukhallekeve mu eyaattano ni olliyooyo wi ooneya nineerokhalla oollipa murima nave khaniipittha ekaamba yoowulliwa muru vamiitthoni vaye va Nllapo anaweeye.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Masalimo 32:6

Sika muthu oolungama avekelle wa nyuwaano mu enthawi eyo munaphwanyeyeenyu. Maaddi oosefukella yaphiya, khemuphwanya olliye.

2 Samuele 22:32

Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

Miyambo 10:25

Namangalle aawoopaka athu oochimwa ennavavihiwa koma oolungama ennakeraattheya wa enthawi yoohimalla.

2 Samuele 22:47

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Yesaya 59:19

Sika athu eneerewoova nnddina ni ntitimiho na Apwiya ovenyera wookhuma nndduwa ophiyera woovollowa nndduwa. Apwiya wonanko muhinje woothamaka wookakhiwa ni ephevo.

2 Petro 1:10

Sika vano, asinnaka ni arokoraka, llipihellani wi wiithaniwa wanyu ni Mulluku ni wuutthoollani waye okhalle woohimalla. Mwavirellella weera ddiidda khamuwa mukwakwatuwa.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.

Masalimo 95:1

Waawoni niwiipelle Apwiya, hankoni nikhuwe moohakallalla wa alliwa, nlluku na ovullusiwa wahu.

2 Samuele 22:5

“Mikwe dda okhwa ddookihuruwella, mihinje ddawoononga ddaakisefukella.

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

2 Samuele 22:2

Davidooyo aawiipella Apwiya nchipo nawi, “Apwiya sika nlluku naka, mpandaaka ni oovullusaaka.

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Deuteronomo 32:18

Yaatiwalla nlluku niwa oyo aaphatusalle, Mulluku oyo aavahille okumi.”

Luka 6:47

Arive muthu anawa wa miyaano nave aniiwa mawaaka nave eeraka ddennddo, kineerowoonihani wi anaphwanaphwana ni tini.

Luka 6:49

Nave arive muthu aniiwa ni oheera mawaakaalla anaphwanaphwana ni muthu amakille enyumbaaye vamihavani, moohitthipella. Maaddi yaphiyalliiwa va enyumbeeyo, enthawi yeeyo yaakumuwavo nave okumuwanko waari wawoopiha!”