Luka 6:41 - Mawu a Mulluku

⁴¹ “Onamoonella tini mwaneello m'mwiitthoni mwa mukhwaawo koma onahiya woona murinda ori m'mwiitthoni mwawo?

Luka 6:41 ပူးပေါင်းရင်းမြစ်များ

Yohane 8:7

Vano yavirellelliiwa omukoha ahiinuwa allota wi, “Aarivo mmodda a nyuwaano ahinachimweke waambeella khalle aambe omuvokha nlluku.”

Yakobo 1:24

nave iiwehera ekhovaaye, avenyavo, annatiwalla wi anooneya mwawiidde.

Aroma 2:1

Vano nyuwaano munaweeruza amodda, ethiyo munaddeesa wi nyuwaano ttaani! Khamunna mawu oothawellavo vawi mwaaweeruzaka athu amodda koma nyuwaano muneerattho ddeko ddimoddave ddennddo eneeriiwa, munaddiipa mullatu nyookha.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

Masalimo 36:2

Anniilleka m'maganizoni mwaye, khanadduwella machimwaaye ni wiitanana.

1 Epilli 21:6

Koma Yowabu khaaweerengille Alevi ni Abenjamini ekaamba yawi lamulo na mwene naamunanara.

1 Mamwene 2:32

Apwiya eneeromullaka Yowabu kaambiiwa aawiipha ni nsupada athu eelli eechilungamo omukhwaranya olliye, attiitthaaka Davide ehidduwellaka. Athwaayo yaari Abinere mwaana a Nere oyo aari akhoto muullupalli a o Israele ni Amasa mwaana a Yetere akhoto muullupalli a o Yuda.

Mateyu 7:1

“Muhiweeruzeke amodda wi Mulluku ahiweeruzeni.

Luka 6:40

Oohuddera khanamukhwaranya muhuddihaaye koma ahuddera amalliha, annaphwanaphwana ni muhuddihooyo.”

Luka 6:42

Onawora ollota wa mukhwaawo wi, ‘Kinapaalla kimuvenyihemo mwaneello ari m'mwiitthoni mwawommo,’ weyaano ohinavenyihemo murinda ori m'mwiitthoni mwawo? Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.”

Mariko 8:7

Yaakhallattho ni ehomba dding'onong'ono ddooyeva. Yesu aavekellattho omuthokoza Mulluku ekaamba ya ehombannddo aalleella oohudderaaye wi eddikawettho wa athwaayo.