Luka 6:35 - Mawu a Mulluku

³⁵ Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Luka 6:35 ပူးပေါင်းရင်းမြစ်များ

Yohane 13:35

Mwaakondanaka mmodda ni mukhwaaye, arive muthu aneerodduwella wi nyuwaano tti oohudderaaka.”

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Masalimo 145:9

Apwiya tti aphaama wa attheene, ennaddeerella echifundo ddittheddene yaddiphatusalliiwa.

Miyambo 22:9

Oyo ari ni niittho neechifundo aneerodalisiwa vawi annaakawella yoochaaye oohoowa.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Masalimo 112:5

Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

Yohane 15:8

Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

Masalimo 37:26

Enthawi ettheene annavaha nave annakongoliha moohummella edduullu ddaye ddinnakhalla madaliso.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Luka 1:32

Olliye aneerokhalla muullupalli nave aneeroromolliwa Mwaana a Mulluku Muullupalli. Apwiya Mulluku eneeromweera akhalle mwene wonanko nikhollo naye, Davide.

Mariko 5:7

Nave aakhuwa wi, “Yesu, Mwaana a Mulluku Muullupalli! Nuullikalleni tini nyuwaano? Ekaamba ya Mulluku, kinimuuvekani, muhikillake miyaano!”

Masalimo 58:11

Sika athu ellota wi, “Ddawoona, oolungama ennathuviwa, Mulluku ookhallawo oyo aneeruza ellapo yavatthi.”

Mateyu 5:9

Oodalisiwa tti ayo enawiiha murendelle, vawi Mulluku aneerewaaromolla wi anaaye.

Luka 6:36

Mukhalle a echifundo wonanko Attiitthaanyu ayo eri a echifundo.”

2 Timoteo 3:2

Vawi athu enaakhalle awiikonda, ookonda makobiri, ookota, awiinyarulla, oonyaambusa, oohiwiiwellella makhollwiiwa, oohithokoza ni ooheella murima.