Luka 6:29 - Mawu a Mulluku

²⁹ Muthu awuukutha vanramani, omwinnyettho nimoddanno apaalle akusa yawiikhuneellaawo, ohinamuwatteellattho malayaawo.

Luka 6:29 ပူးပေါင်းရင်းမြစ်များ

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.

1 Akorinto 6:7

Vawi munnakhalla ni millatu variyari vanyu, ddohooniha khalle wi nyuwaano tti oolephela wunchichi. Waaweerokhalla phaama wi muhiipaneke mullatu koma mwaahiye athu eweerellekeni ddoonanara nave ewiiyerekeni.

Yohane 18:22

Yesu aallotilleeye ella, mmodda a akhoto oyo amwaatamenlle aamuukutha, allota wi, “Onamwaakhulla mullupa mukutho muullupalli mwawi ddiidda?”

Mateyu 26:67

Vano yaamuttaphera mare owiitthoni waye ni omuukutha. Nave amodda yamoopille makofi

Maliro 3:30

Avelleelle nrama naye wa oopaalla omuukutha, avillelle ddoomunyaambusa ddittheddene.

Yesaya 50:6

Kaavelleella mutthanaaka wa ookuukutha, maramaaka wa ookitulla ereru. Ngaawiipitthihelle ekhove ookivevulla ni ookittaphera mare.

1 Akorinto 4:11

Ophiyera enthawi yeella hiyaano ninnavolliwa ettalla ni nthona, ninnawara matapwata, ninnuukuthiwa nave khaninna vookhalla vaahuvaahu.

Luka 22:64

Yaamukhuneella owiitthoni waye emuukutha nave ellota wi, “Llotella awuukuthalle ttaani?”

Mitteko 23:2

Vano mullupa mukutho muullupalli nnddina naye Ananiya* ahalamulella ayo yiimenlle vakhuviru ni Paulooyo wi emuukuthe owanoni waye.

Mika 5:1

Nyu a o Yerusalemu, vano atthukumaniheni akhotwaanyu. Nohaapheelliwa! Eneeromuukutha ni ekopo oolamulella a Israele vanramani.

2 Epilli 18:23

Vano Zedekiya, mwaana a Kenana, aaphiya vakhuviru amuukutha Mikaya vanramani, amukoha wi, “Ethiyo munepa a Apwiya avenyille mwawiidde mwa miyaano allota ni weyaano?”

2 Samuele 19:30

Koma Mefibosheti aamulleella mwenooyo wi, “Ziboolla akuse eyuuma ettheeneeyo. Ohokollowa wanyu wuno ni murendelle wookikwakhwanella.”

Luka 6:30

Muthu uuvekani ello mumvaheke. Nave muthu awaakhani ello, muhinamukohattho wi uuhokolloselleni.