Luka 6:26 - Mawu a Mulluku

²⁶ “Ootulli tti nyuwaano athu attheene yaallotaka ddaphaama dda nyuwaano vawi makhollwiiwa yaallota ddennddo wa anamallotella awoottha.

Luka 6:26 ပူးပေါင်းရင်းမြစ်များ

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Miyambo 27:21

Siliva aneekiwa mwiipallini nave golide ni mu munllo wawoopiha emoddamoddave yeeyo muthu aneesiwa ni epillaaye.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.