Luka 6:25 - Mawu a Mulluku

²⁵ Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.

Luka 6:25 ပူးပေါင်းရင်းမြစ်များ

Yesaya 65:13

Sika Apwiya Mulluku enallota wi, ‘Ngoonani, oorumeyellaaka eneerocha koma nyuwaano muneerokhalla ni ettalla. Oorumeyellaaka eneerowirya koma nyuwaano muneerovolliwa nthona. Oorumeyellaaka eneerohakallalla koma nyuwaano muneerowulliwa muru.

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Miyambo 14:13

Naari voottheyani murima onnoona ovoreya nave omalliha wiwa wa ohakallalla tti omoriwa ethakaraka.

Yawuupullulla 3:17

Vawi munallota wi, ‘Nookhalla ni eyuuma, khannapaalla ello,’ koma khamunadduwella wi munnamoriha ethakaraka, athu oohoowa, oohiwara ni oohoonattho.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Aefeso 5:4

Navettho khe waphaama wi mulloteke ddoollava, dda etthiru apaalle woopa miyaha dda oraruwa koma munaphwanella mumuthokozeke Mulluku.

Luka 13:28

Vano muneerewinlla ni okhuuriha miino voowoonani makhollwaahu, Abrahamu, Isaki ni Yakobo ni anamallotella attheene mu omwene wa Mulluku. Nyuwaano muvokhiwe vaatte.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Luka 8:53

Athu attheene yaamuttheya mweepewe kaambiiwa yaanadduwella wi ookhwa.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Yesaya 9:20

Ni nnattanatta ennaakha ni ocha koma khenavona nave o nnatta noonyottho ennaakha ni ocha koma ennavirellella ovolliwa ettalla sika ennattakhunana.

Yesaya 8:21

Athu eneereweeteeta mu ellapo eri ootopa ni ettalla. Ekaamba ya ettalleeyo, eneerekosimwa ni oweha oddullu nngu emutembelelaka mweniiwa ni Mullukwiiwa.

Oollalleya 7:6

Ottheya wa muthu ookarangeya tti wonanko ophomuwa wa munllo vatthi va epalli. Ddennddattho khaddinna mutteko.

Oollalleya 7:3

Omoriwa ethakaraka tti wookhwaranya ottheya ekaamba yawi naari ekhove emonre murima onnawora ohuddera.

Oollalleya 2:2

Kahoona wi ottheya tti anepa nave ohakallalla khonna mutteko.

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Masalimo 49:19

akhwa ni okumana ni makhollwaaye mattheene, khawattho oonawo owala.

1 Samuele 2:5

Athu ayo khalle yahata ddoocha ddookwakhwanella vano enimallimella. Koma ayo khalle yaari eettalla vano ennavona. Mutthiyana oohiyara vano ohaayara anamwani atthanu ni eelli, koma mutthiyana oyo aari ni anamwani anchichi vano khanna anamwani.

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Luka 6:26

“Ootulli tti nyuwaano athu attheene yaallotaka ddaphaama dda nyuwaano vawi makhollwiiwa yaallota ddennddo wa anamallotella awoottha.