Luka 6:24 - Mawu a Mulluku

²⁴ “Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Luka 6:24 ပူးပေါင်းရင်းမြစ်များ

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Yakobo 2:6

Koma nyuwaano munnamuvevulla muthu oohoowa. Ethiyo athu eeyuuma khehiyo ayo enuuhoosani, khehiyo ayo enuukusellani o nthato namillatu?

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Hagai 2:9

Sika ntitimiho na enyumba yaneepiilleella eneerokhwaranya ntitimiho na enyumba yawaambeelle. Navettho vineerokhalla murendelle va nipuro nenno. Mi Apwiya Amasiva Mattheene koollota.”

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.