Luka 6:13 - Mawu a Mulluku

¹³ Wasilliiwa, aawiithana oohudderaaye nave aatthoollavo khumi ni eelli, ayo aaromonlleeye wi amurummwa.

Luka 6:13 ပူးပေါင်းရင်းမြစ်များ

Yawuupullulla 21:14

Esiri ya muzindooyo yamakiwe va matthipello a malluku khumi ni meelli, mvo valembiwe manddina khumi ni meelli a amurummwa a mwaanaankhosa.

Aefeso 4:11

Tti oyo aavahille emphaso. Ahaatthoolla amodda wi ekhalle amurummwa, amodda ekhalle anamallotella, amodda ekhalle oollalleya, amodda ekhalle abusa ni ahuddihi.

Mariko 6:30

Amurummwa yaawa ekumana ni Yesu nave yaamulleella ddittheddene yeerilliiwa ni yahuddihalliiwa.

Mariko 6:7

Aawiithana oohudderaaye khumi ni eelli vamodda, aamba waarumiha eellieelli. Ahaavahattho olamulello wookhumiha minepa ddoonanara.

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 12:1

Nave oddullu wahooneya echizindikiro yuullupalli, mutthiyana oowara nndduwa, anyinganlle mweeri omanyalloni waye ni korona* ookhalla ni etheneeri khumi ni piilli omuruni waye.

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Aefeso 2:20

Nyuwaano moomakiwattho va matthipello a amurummwa ni a anamallotella, ayo Khrisitu Yesu ariiye nlluku noopalleeya wunchichi.

Mitteko 1:13

Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Luka 11:49

Ella sika ekaambiiwa Mulluku aallotilleeye mweezeru wi, ‘Kineerewaarumihella anamallotella ni amurummwa nave amodda a yaayo eneerewiiphiwa amodda eneerohoosiwa.’

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 10:2

Manddina a amurummwa khumi ni eellaayo tti alla, awaamba, Simoni (ooromolliwa Petro) ni mwanamunne Andreya, Yakobo ni mwanamunne Yohane, anamwani a Zebedayo,

Luka 6:14

Alla sika amurummwaayo: Simoni, (oyo Yesu amuvahilleeye nnddina nawi Petro) ni mwanamunne Andreya, Yakobo ni Yohane, Filipo* ni Bartolomeyu,

Yohane 4:33

Sika oohudderaalle yahaamba okohana wi, “Ethiyo ookhallavo mmodda awinnyalle yoocha wi eche?”