Luka 5:8 - Mawu a Mulluku

⁸ Nave Simoni Petro oonilleeye ddeereyillennddo, aakokhora moomuvaha olemu Yesu, allota wi, “Apwiya, mukivenyerevo kaambiiwa miyaano tti muthu oochimwa!”

Luka 5:8 ပူးပေါင်းရင်းမြစ်များ

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Oweeruza 13:22

Vano Manowa aamulleella mwaariye wi, “Hi nineerokhwa vawi noomoona Mulluku!”

Eksodo 20:19

nave yaamulleella Mose wi, “Munilleelle hiyaano nave nineerewiiwa. Mulluku ahillote ni hiyaano, woova wi ninaakhwe.”

Yobu 40:4

“Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

1 Samuele 6:20

Vano athu a o Beteshemeshi yaallota wi, “Ttaani anaawore wiimella vamiitthoni va Apwiya Mulluku Aweella? Nave nibokosi na echipanganonna ninaaye wuuwi wi nivenyewo wuno?”

Mateyu 17:6

Oohudderaalle yiiwalliiwa yeella, yahoova wunchichi sika yaamora ekhove.

Yohane 11:32

Mariya aaphiya vaari Yesu nave aamoonilleeye, aakokhora vakhuviru ni Yesu allota wi, “Apwiya, mwakhanlleke wuno murokoraka khaakhwe!”

Mateyu 8:8

Koma akhoto muullupallooyo aallota wi, “Iyaayi, Apwiya. Miyaano nginaphwanella wi muvollowe mpa mwaka. Koma mweere moona ollota mawuve nave kaporwaaka aneerochira.

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

2 Samuele 6:9

Vano nllapo nenno Davide aawoova Apwiya nave aakoha wi, “Ethiyo nibokosi na echipangano na Apwiya ninaaphiye mwawiidde owanihu?”

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

Luka 5:7

Sika yaawiithana akhwiiwa a mukallawani emoddeeyo wi yaakavihere. Yaawa nave ehomba ddaaddalla ekallawa piillinnddo wawi ddahanlle vang'ono opwina.

Luka 5:9

Vawi Simoni ni akhwaayaayo yaattikhina wunchichi ni waata wa ehomba yiiphalliiwannddo.