Luka 5:34 - Mawu a Mulluku

³⁴ Yesu ahaakhulla wi, “Ethiyo ttuuworeya wi awiithaniwa o machellello a okwati ehalleke ocha ootthellooyo ari vaavo? Wohiworeya iyaayi!

Luka 5:34 ပူးပေါင်းရင်းမြစ်များ

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Mateyu 22:2

“Omwene wa Mulluku tti wonanko niphwanaphwaniho nna. Waakhalla mwene mmodda oyo amukhozenre mwanaye aamullopwana machellello a okwati.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Yesaya 62:5

Wonanko musombwe anamutthella namwalli, anaawo aallopwana eneerewuutthella weyaano. Wonanko ootthella anamuhakallallella ootthelliwa, Mulluku aneerewuuhakallallella weyaano.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Nchipo na Solomoni 6:1

We ooreeresesa mwa anamwalli attheene, ethiyo ookondiwaawo akelle wuuwi? Ethiyo ookondiwaawo avollowelle vaavi, wi nuukavihere omwaashaasha? Namwalli

Nchipo na Solomoni 5:8

Nyu anamwalli a o Yerusalemu, ddawoona, kinimuuvekani. Kinallupella mu nnddina na mphoyo ni epaalla ddamuhakani wi echikondi muhiyitikheke apaalle oyivenyiha ophiyera epaallille mwaneeniiwa. Anamwalli

Mateyu 9:15

Yesu ahaakhulla wi, “Ethiyo ttuuworeya wi awiithaniwa o machellello a okwati yinlleke ootthellooyo ari vaavo? Wohiworeya iyaayi! Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Luka 5:33

Amodda yaallota wa Yesu wi, “Oohuddera a Yohane Oobatiza ennahalla ocha* wiilliwiilli ni ovekella wiilliwiilli, emoddamoddavettho ni oohuddera a Afarisi koma aanywaalla enimoona ocha ni owirya.”

Luka 5:35

Koma eneerophiyattho enthawi yawi ootthellooyo aneerokusiwa va yaayo nave eneerohalla ocha.”