Luka 5:30 - Mawu a Mulluku

³⁰ Afarisi amodda ni ahuddihiiwa a malamulo yahaamba owinya, yaakoha oohudderaaye wi, “Kaambiiwa tini munacheenyu ni owirya ni ookhomiha misonkho ni athu amodda oochimwa?”

Luka 5:30 ပူးပေါင်းရင်းမြစ်များ

Mitteko 23:9

Athwaalle yaanyahuwa okhuwa nave ahuddihi amodda a malamulo ayo yaari a mulloko wa Afarisi yahiimella ellota mookhuwa wi, “Hi khaninaphwanya mullatu woomuvaanyihera muthoolla! Ttuuworeya wi munepa apaalle mungelo sika allotille wa olliyoolla!”

Luka 19:7

Athu attheene yoonillaayo yaananariwa ellota wi, “Ooya akhalle mulleto o enyumba ya muthu oochimwa!”

Luka 5:21

Ahuddihi a malamulo ni Afarisi yahaamba wiikoha weekhiiwa wi, “Muthu yoolla ttaani, anamullotella epewe Mulluku! Mullukuve sika anawora okhululukella machimo.”

Luka 5:17

Nllapo nimodda Yesu ahuddiheeye, Afarisi* amodda ni ahuddihi a malamulo* oovenyera m'mapuroni a mu ezigawo dda Galileya, Yudeya ni muzinda wa Yerusalemu yaari vaavo. Nave Yesu aakhalla ni masiva a Apwiya wi aachirihe oovoriiwa.

Mariko 7:3

Vawi Afarisi ni Ayuda attheene kheyacha ehinawille phaama m'mattani kaambiiwa yathwara ehuddiho ya makhollwiiwa.*

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.

Luka 18:11

“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Luka 7:39

Vano Mufarisi amwiithanne Yesoolle oonilleeye ddenndda, aallota yeekha wi, “Muthu yoolla akhanllenke namallotella awoona, aaweromudduwella mutthiyana anamuttannyoolla wi ttaani vawi tti oochimwa.”

Luka 7:34

Mi, Mwaana a Muthu, kiwiille kaacha ni omuwirya vinyo nave mwaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’

Mateyu 5:46

Mwaawaakondaka yaayove enuukondani, Mulluku anuuthuveni mwawiidde? Naari ookhomiha musonkho enneera ddiiddo.

Mateyu 9:11

Afarisi* amodda yahoona nndda nave yahaakoha oohudderaaye wi, “Kaambiiwa tini ahuddihaanyu enachiiwa ni athu ookhomiha misonkho ni oochimwa?”

Mariko 2:16

Ahuddihi a malamulo a mulloko wa Afarisi* yahoona wi Yesu aanacha ni athu amodda oochimwa ni ookhomiha misonkho, sika yahaakoha oohudderaaye wi, “Kaambiiwa tini anacheeye ni athu yaalla?”

Mariko 9:16

Yesu ahaakoha oohudderaaye wi, “Munavaanyihana dda tini ni athwaayo?”