Luka 5:22 - Mawu a Mulluku

²² Yesu aadduwella maganizwiiwa, sika ahaakoha wi, “Kaambiiwa tini muniikoheenyu ddennddo m'murimani mwanyu?

Luka 5:22 ပူးပေါင်းရင်းမြစ်များ

Luka 24:38

Nave allota wi, “Munoovella tini? Munahoowella tini ni makoho m'murimani mwanyu?

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

Mariko 8:17

Yesu aadduwella yakambiraniiwa, sika ahaakoha wi, “Munakambirana ddoohikhalla ni buledi kaambiiwa tini? Khamunadduwelleve ni wiiwesesa? Ethiyo mirima ddanyu tti dda wumma?

Mateyu 12:25

Koma Yesu aadduwella maganizwiiwa nave aallota wi, “Orive omwene wakawaneya va weekhiiwa ni owana, khollekella omalla. Navettho etawoni erive ettheene naari nibanja nakawaneya va weekhiiwa ni owana khanillekella omalla.

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Yesaya 66:18

Kinnadduwella mitteko ddiwa ni maganizwiiwa. Nave kinimawa wi kaatthukumanihe athu a mitundu ddittheddene ni a ellotello ddittheddene. Ddawoona, eneeroowa nave eneerewoona ntitimiho naka.

Masalimo 139:2

Munnadduwella kaakeraatthiki, kaavenyaka, munnadduwella maganizwaaka muri wuuteete.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Miyambo 15:26

Apwiya khenaddivelliwa ni maganizo a muthu oonanara koma ennahakallalla ni mawu aphaama.

Mateyu 12:15

Yesu adduwenlleeye yiiwananiiwannddo, aavenyavo vanipuronimvo nave athu anchichi yaamuthwara. Ahaachiriha athu oovoriiwa attheene.

Luka 5:21

Ahuddihi a malamulo ni Afarisi yahaamba wiikoha weekhiiwa wi, “Muthu yoolla ttaani, anamullotella epewe Mulluku! Mullukuve sika anawora okhululukella machimo.”

Luka 5:23

Yookhweya ttiivi, ollota wi, ‘Machimwaawo aakhululukiwa,’ apaalle ollota wi, ‘Venya weete?’