Luka 5:17 - Mawu a Mulluku

¹⁷ Nllapo nimodda Yesu ahuddiheeye, Afarisi* amodda ni ahuddihi a malamulo* oovenyera m'mapuroni a mu ezigawo dda Galileya, Yudeya ni muzinda wa Yerusalemu yaari vaavo. Nave Yesu aakhalla ni masiva a Apwiya wi aachirihe oovoriiwa.

Luka 5:17 ပူးပေါင်းရင်းမြစ်များ

Luka 6:19

Athu attheene yaapaalla wi emuttannye vawi masiva yavenyera mwa olliyooyo yaanamuchiriha arive muthu.

Luka 8:46

Nave Yesu aallota wi, “Muthu mmodda ookittannya vawi kohoona m'mwiillini mwaka wi mamodda a masivaaka oochiriha aakhumamo”

Mitteko 19:11

Mulluku aaneera oweella mwa Paulo ddoottikhiniha ddoheereya wiilliwiilli.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mitteko 4:30

Onihani masivaanyu wi ochiriha, ezizindikiro ni ddoottikhiniha ddeeriwe mu nnddina na oorumeyellaanyu aweella, Yesu.”

Mariko 7:1

Afarisi* amodda ni ahuddihi a malamulo* amodda oovenyera o Yerusalemu yaatthukumana moomwaapheella Yesu.

Mariko 5:30

Enthawi yeeyo Yesu ahoona m'mwiillini mwaye wi mamodda a masivaaye oochiriha aakhumamo. Sika ari m'mullokoni waathwaayo aarukunuwa akoha wi, “Attannyille yawiikhuneellaaka ttaani?”

Mateyu 15:1

Vano Afarisi* amodda ni ahuddihi a malamulo* amodda oovenyera o Yerusalemu yaawa wa Yesu emukoha wi,

Yohane 3:21

Nave ayo eneera ddawoona ennawa nko ori owala wi owalanko woonihe wi mitteko ddiwa tti ddoomwiiwellella Mulluku.

Luka 2:46

Va nllapo naneeraru yaamphwanya mu enyumba ya Mulluku, akeraatthille variyari va ahuddihi a Ayuda, awiiwellellaka, aakohakattho makoho.

Luka 15:2

Afarisi* ni ahuddihi a malamulo* yaananariwa ellota wi, “Muthoolla annawaakhella athu oochimwa naari ochana wene.”

Luka 7:30

Koma Afarisi* ni ahuddihi a malamulo* kheyawakhullenlle ddoopaalla dda Mulluku vookhootani obatiziwa ni Yohane.)

Luka 5:30

Afarisi amodda ni ahuddihiiwa a malamulo yahaamba owinya, yaakoha oohudderaaye wi, “Kaambiiwa tini munacheenyu ni owirya ni ookhomiha misonkho ni athu amodda oochimwa?”

Luka 5:21

Ahuddihi a malamulo ni Afarisi yahaamba wiikoha weekhiiwa wi, “Muthu yoolla ttaani, anamullotella epewe Mulluku! Mullukuve sika anawora okhululukella machimo.”

Mariko 16:18

Yaphara enowa apaalle owirya ddawiipha khevoreyiwana nave eneerekewiiyaatthi mattiiwa va athu oovoriiwa wi echirihiwe.”

Mariko 3:22

Ahuddihi amodda a malamulo oovenyera o Yerusalemu yaallota wi, “Ookhalla ni Belezebulu!* Tti Belezebulu, muullupalli a minepa ddoonanara, anamuvaha olliye masiva ookhumiha minepa ddoonanara.”

Mariko 1:45

Koma muthooyo aavenyavo nave ahaamba ollotallota wa athu avuwiha epilli virive veko. Sika Yesu khaworille ovira vawooneya ni athu m'matawoni koma akhanlle m'mapuroni ayeekha otte wa matawoni. Koma athu yaawa ovenyera m'mapuroni manchichi oohiyanahiyana.

Yohane 3:10

Yesu ahaakhulla wi, “We ori muhuddihi muullupalli mu Israele nave khonadduwella nndda?

Mitteko 5:34

Koma waakhalla muthu mmodda a Afarisi* nnddina naye Gamaliyeli oyottho aari muhuddihi a malamulo* nave ooriiheya ni athu attheene. Ahiimella vanthatoni namillatunno aalamulella wi amurummwa ekhumihiwe vaatte vang'ono.