Luka 5:10 - Mawu a Mulluku

¹⁰ Yohane ni Yakobo anamwani a Zebedayo, ayo yaarittho akhwaaye a Simoni ni alliwattho yaattikhina. Yesu aallota wa Simoni wi, “Ohoove, waambeella ollello oya muhoollo oneerekewaattottha athu.”

Luka 5:10 ပူးပေါင်းရင်းမြစ်များ

Mateyu 13:47

“Omwene wa Mulluku orittho wonanko nthavi nno navokhiwe mu enyanja ni ophara ehomba dda mitundu ddittheddene.

Mateyu 4:19

Yesu aallota wa athwaayo wi, “Waawoni mukithware miyaano nave kineerewuuhuddihani wi mukhalle owaattottha athu.”

Mariko 1:17

Yesu aallota wa athwaayo wi, “Waawoni mukithware miyaano nave kineerewuuhuddihani wi mukhalle owaattottha athu.”

Luka 5:7

Sika yaawiithana akhwiiwa a mukallawani emoddeeyo wi yaakavihere. Yaawa nave ehomba ddaaddalla ekallawa piillinnddo wawi ddahanlle vang'ono opwina.

2 Akorinto 8:23

Ollota dda Tito, yoolla tti mukhwaaka oopharana mutteko ni miyaano wuukaviherani nyuwaano. Asinnaka amodda ayo eneeta ni olliyooyo erumiwe ni mipingo nave enamutitimiha Khrisitu.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Luka 6:14

Alla sika amurummwaayo: Simoni, (oyo Yesu amuvahilleeye nnddina nawi Petro) ni mwanamunne Andreya, Yakobo ni Yohane, Filipo* ni Bartolomeyu,

Mateyu 20:20

Vano mwaara a Zebedayo ni anaaye aallopwana eelli, Yakobo ni Yohane, yaawa wa Yesu nave aamukokhorella aveka ello.

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Mateyu 4:21

Eetille oya vahoollo aawoonattho athu amodda eelli, Yakobo ni mwanamunne Yohane, anamwani a Zebedayo. Alliwaalla yaari mu ekallawiiwa ni attiitthiiwa, Zebedayo, esowaka mathaviiwa. Yesu aawiithana wi emuthware ni omuttakiha,

Luka 5:9

Vawi Simoni ni akhwaayaayo yaattikhina wunchichi ni waata wa ehomba yiiphalliiwannddo.

Yohane 21:2

Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

2 Timoteo 2:26

nave okhalla ni ezeru wi evulluwe mu musampha wa Satana oyo aaphanre wi yeereke ddoopaalla ddaye.