Luka 4:35 - Mawu a Mulluku

³⁵ Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!” Vano munepa woonanarooyo waamukuha vatthi muthooyo vahoollo va athu attheene, okhumamo mwa muthooyo ohimuvoreyille.

Luka 4:35 ပူးပေါင်းရင်းမြစ်များ

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Luka 4:39

Aaya iimella vakhuviru ni mutthiyanooyo nave aalamula oviha mwiillinko wi omuhiye. Nave aachirihiwa. Enthawi yeeyo aavenya aamba waarumeyella ni ddoocha.

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Yawuupullulla 12:12

Sika hakallallani ellapo yooddullu ni attheene munakhalla wenko! Koma otulli wa ellapo yavatthi ni enyanja! Vawi Satana akitthelle wenko, oosha murima kaambiiwa enthawi emuhallenlle yooyeva.”

Luka 11:22

Koma wawa muthu amasiva oomukhwaranya amugonjiha, annamwaakha ezida aroromelleeyennddo nave akawakawa ddeko aakhilleeyennddo.

Luka 9:42

Nave mwaanooyo aweeye, munepa woonanarooyo waamukuha vatthi omukomolla. Vano Yesu aasimwella munepa woonanarooyo, amuchiriha mwaanooyo nave aamuvelleella wa attiitthinnya.

Luka 9:39

Wiilliwiilli munepa woonanara onnavollowa mwa olliye nave onnamweeriha wi akhuweke. Weeddiiddo onnamukuhella vatthi angomowa, vano annakhuma niphoru owanoni. Nave khonamuhiya shisha ophiyera omuphoriihalle.

Luka 8:24

Oohudderaayo yaawa wa Yesu emuvenyiha, ellota wi, “Apwiya, Apwiya! Nihanlle vakhuviru okhwa!” Yesu aavenya asimwella ephevweeyo ni mafundaayo, ddaamalla nave ddaakhurumuwa.

Mariko 9:26

Munepa woonanarooyo waakhuwa, omukuhella vatthi angomowa nave okhuma. Musombooyo ahooneya wonanko ookhwa sika athu anchichi yaanallota wi, “Ookhwa!”

Mariko 1:26

Vano munepa woonanarooyo waamukuha muthooyo angomowa nave wakhumiiwa waakhuwa.

Mateyu 17:18

Yesu aawusimwella munepa woonanarooyo nave waakhumamo mwa musombooyo nave enthawi yeeyo aachirihiwa.

Zekariya 3:2

Mungelo a Apwiya aamulleella Satana wi, “We Satana, ddawoona, Apwiya yuuhumullulle! Apwiya ayo yamutthoollille Yerusalemu yuuhumullullesese. Ethiyo muthu khari wonanko ekhuni yoothumulliwa viikho?”

Masalimo 50:16

Koma wa oonanara Mulluku anallota wi, “Oniihoosella tini ni oromolla malamulwaaka? Kaambiiwa tini vayanoni vawo vinallotiiwa dda echipanganwaaka?

Mariko 4:39

Vano aavenya asimwella ephevweeyo nave aallota wa maaddaayo wi, “Okhurumuwe! Omaalle!” Vano ephevweeyo yaamaalla nave vaakhalla okhurumuwa wuullupalli.

Luka 4:23

Nave Yesu aallota wi, “Kinnadduwella wi muneerokillotella miyaano mwambi wawi, ‘Mullupa murete we, ichirihe weekha’ nave weerilleewe mu Kaperenao weerettho wuno o etawoni yoowaninyweella.”