Luka 4:23 - Mawu a Mulluku

²³ Nave Yesu aallota wi, “Kinnadduwella wi muneerokillotella miyaano mwambi wawi, ‘Mullupa murete we, ichirihe weekha’ nave weerilleewe mu Kaperenao weerettho wuno o etawoni yoowaninyweella.”

Luka 4:23 ပူးပေါင်းရင်းမြစ်များ

Mariko 6:1

Yesu aavenya wenko aya o etawoni yoowaniwa nave oohudderaaye yaamuthwara.

Mateyu 4:13

Aavenyawo o etawoni ya Nazareti nave aaya akhalla o Kaperenao, etawoni ya mukhwipi mwa enyanja ya Galileya,* mu malire a Zebuloni ni Nafutali.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Yohane 4:28

Vano mutthiyanoolle aahiya munwaaye, ahokollweella o etawoni wulle nave ahaalleella athu wi,

Luka 6:42

Onawora ollota wa mukhwaawo wi, ‘Kinapaalla kimuvenyihemo mwaneello ari m'mwiitthoni mwawommo,’ weyaano ohinavenyihemo murinda ori m'mwiitthoni mwawo? Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.”

Luka 4:16

Yesu aaya o Nazareti, nko allelliweeyewo nave va nllapo na Sabata aavollowa mu enyumba yamavekello moollikana ni mmo addollweellelleeye. Ahiimella eerenga mawu a Mulluku.

Mateyu 13:54

Nave aphiyalle o etawoni yoowaniwa, ahaamba ohuddiha mu enyumba yamavekello. Nave ayo yamwiiwalle yaattikhina, ekoha wi, “Addikusalle wuuwi ezeru ddenndda ni ddoottikhiniha ddenndda?

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Luka 2:39

Yosefe ni Mariya yamallihalliiwa weera ddittheddene voothwarani malamulo a Apwiya, yaahokollweella o Nazareti mu Galileya o etawoni yoowaniwa.

Luka 2:51

Vano Yesu aahokollowana vamodda oya o Nazareti nave aanawiiwellella. Amennyaayo yaasunga ddittheddenenndda m'murimani mwiwa.

Luka 4:31

Nave Yesu aaya o Kaperenao, etawoni ya mu Galileya, wenko ahaahuddiha athu va nllapo na Sabata.

Luka 4:35

Nave Yesu aawusimwella munepa woonanarooyo wi, “Okhurumuwe nave okhumemo mwa muthooyo!” Vano munepa woonanarooyo waamukuha vatthi muthooyo vahoollo va athu attheene, okhumamo mwa muthooyo ohimuvoreyille.