Luka 4:1 - Mawu a Mulluku

¹ Yesu aahokollowa ovenyera o Yordani addalliwe ni Munepa Waweella nave aakusiwa ahoollelliwa ni Munepooyo wi aye ochipululuni.

Luka 4:1 ပူးပေါင်းရင်းမြစ်များ

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Yohane 1:32

Nave Yohane aavelleella omboni allota wi, “Kahoona Munepa Waweella akitthaka wonanko ekhunda avenyeraka oddullu nave akhalla va olliyooyo.

Mateyu 3:16

Yesu abatiziwe wene, enthawi yeeyo aakhumamo m'maaddini nave oddullu waamuhulleyella, vano ahoona Munepa a Mulluku akitthaka wonanko ekhunda va olliye.

Ezekiele 3:14

Munepa a Mulluku aakitukhullella muddullu akiwelliha, sika ddaakivooriiha ni okishiha murima. Nnatta namasiva na Apwiya naari va miyaano.

Luka 4:14

Yesu aahokollweella o Galileya nave masiva a Munepa Waweella yaari ni olliye. Epillaaye yaavuwa mu echigawo mutthemwene.

Mitteko 8:39

Yakhumalliiwa m'maaddinimmo, Munepa a Apwiya aamukusavo Filipooyo. Muullupallooyo khaamoonille wiilli nave aavirellella olendwaaye addalliwe ni ehakallallo.

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Mitteko 1:2

ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye.

Luka 2:27

Voohoollelliwa ni Munepa Waweella, Simiyoni aavollowa mu enyumba ya Mulluku nave makhollo a Yesu alliwattho yaavollowa munyumbanimmo ni mwaanooyo wi yamweerelle ddoopaalleya moollikana ni malamulo.

Luka 3:3

Sika Yohane aaya o echigawo ettheene ya muhinje wa Yordani, allalleyaka wi, “Rukunuwani murima, mubatiziwe wi Mulluku uukhululukelleni machimwaanyu”

1 Mamwene 18:12

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.

Luka 3:38

Enoshi, Seti, Adamu, mwaana a Mulluku.