Luka 3:5 - Mawu a Mulluku

⁵ Nirive ntapo nivuhellelliwa, orive mwaango ni mwanamwaango ddineerokumulliwa. Misewu ddookhoromana ddineerewookolliwa, nave ettilla ddookateyakateya ddineeromwaramwarelliwa.

Luka 3:5 ပူးပေါင်းရင်းမြစ်များ

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Yesaya 40:4

Nirive ntapo nivuhellelliwe, orive mwaango ni mwanamwaango okumulliwe. Ellapo yookateyakateya eyimwaramwarelle mapuro oowella yaatthattuse ookittha.

Yesaya 49:11

Miyaango ddaka ddittheddene kineerodditthattusa ettilla, misewu ddaka dduullupalli kineeroddillima.

Yesaya 45:2

“Kineerewuuhoollella ni ollima musewaawo, omwaramwarella miyaango ni asimiyaango. Kineeronyenyanyenya machiwi amikuwa, kineerokothollakotholla ddoowallella ddiwa ddamikoko.

Ezekiele 17:24

Miteekho ddittheddene dda mwiillaponimmo ddineerodduwella wi tti miyaano kinakhuveyiha miteekho ddoorekama nave kinarekamiha miteekho ddookhuveya. Kinnuumiha miteekho ddikitthi nave kinnaphuwiha miteekho ddawumma. Mi Apwiya koollota ddenndda nave kineeroddeera.’ ”

Yakobo 1:9

Ookhulupilila oohoowa ehakallalleke vawi Mulluku annawunnuwiha.