Luka 3:3 - Mawu a Mulluku

³ Sika Yohane aaya o echigawo ettheene ya muhinje wa Yordani, allalleyaka wi, “Rukunuwani murima, mubatiziwe wi Mulluku uukhululukelleni machimwaanyu”

Luka 3:3 ပူးပေါင်းရင်းမြစ်များ

Luka 1:77

Oneerewaalleella athwiiwa wi eneerovullusiwa, vookhululukelliwani machimwiiwa.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

Mitteko 19:4

Paulo aallota wi, “Obatizo wa Yohane waari wa orukunuwa murima. Nave ahaalleella athu a o Israele wi ekhulupilile mwa mmodda oyo anawa vatulli vaye, mwa Yesu.”

Mitteko 13:24

Yesu ahinaambe muttekwaaye, Yohane aallalleya wa athu attheene a o Israele wi erukunuwe murima nave ebatiziwe.

Yohane 3:26

Sika yaawa wa Yohane emulleella wi, “Ahuddihi, munnamuupuwella muthu oyo aari ni nyuwaano okhopella wa muhinje wa Yordani, olle mwamuvelleellelleenyu omboni? Vano arina obatiza nave athu erina othamakella wa olliyooyo!”

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Yohane 1:28

Ddeko ddittheddenenndda ddaheereya mu etawoni ya Betaniya, okhopella wa muhinje wa Yordani nko Yohane aariiye abatizaka.

Luka 1:16

Aneerorukunusa mirima dda Aisraele anchichi wi ehokollweelle wa Apwiya Mullukwiiwa.

Luka 4:1

Yesu aahokollowa ovenyera o Yordani addalliwe ni Munepa Waweella nave aakusiwa ahoollelliwa ni Munepooyo wi aye ochipululuni.