Luka 24:6 - Mawu a Mulluku

⁶ Olliye khaamo mmu, oovenyihiwa wa ookhwa. Upuwellani nnddo uulleelleeyeni aariiye ni nyuwaano o Galileya wi,

Luka 24:6 ပူးပေါင်းရင်းမြစ်များ

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Mariko 8:31

Yesu ahaamba waahuddiha oohudderaaye wi tti woopaalleya wi olliyooyo, “Mwaana a Muthu, aneerohoosiwa wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenya wa ookhwa.”

Mateyu 28:6

Yooyo khaamo mmu vawi aavenyihiwa wa ookhwa moollikana ni mmo aallotilleeye. Waani wuno moone vanipuroni mvo vaari mutembwaaye.

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Mateyu 27:63

Yaallota wi, “Apwiya, nohuupuwella wi awootthoolle ahinakhwe aallota wi, ‘Kineerovenyattho wa ookhwa evinre mallapo mararu.’

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Mariko 16:6

Nave aallota wi, “Muhoove vawi kinnadduwella wi munamwaasha Yesu a o Nazareti oyo aatthomeyiwe vamutandani. Yooyo khaamo mmu vawi aavenyihiwa wa ookhwa. Ngoonani, vanipuroni yamuvitthalliiwavo.

Luka 24:5

Atthiyanaayo yahoova nave yaaweha vatthi. Vano allopwanaayo yaallota wi, “Kaambiiwa tini munamwaasheenyu muthu mukumi variyari va ookhwa?

Luka 24:34

Oohudderaayo yaallota wi, “Ddawoona, Apwiya aavenyihiwa wa ookhwa! Simoni oowoona!”

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

2 Atesalonika 2:5

Ethiyo khamunuupuwella wi kaahuulleellani kaariimi ni nyuwaano?