51 Aadalisalleeye, ahaahiya, awellihiwa oya oddullu.
Allotilleeye ddenndda, yamoona awellihiwaka oya oddullu nave aavollowa m'miraponi ahooneyattho.
Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”
Vano alliwa yeetaka ni ollota, moorurumusa nigareta namunllo ni akavalo amunllo ddahaahiyaniha eellaayo. Nave Eliya aawella oddullu mu namangalle.
Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.
Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.
Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.
Yesu ahaahoollella oohudderaaye akhumana m'muzindanimmo aphiyana o Betaniya. Wenko aawelliha mattaaye aadalisa.
Yaamullapella, ehokollweella o Yerusalemu, ehakallallaka wunchichi.
