Luka 24:44 - Mawu a Mulluku

⁴⁴ Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Luka 24:44 ပူးပေါင်းရင်းမြစ်များ

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Aheberi 10:1

Malamulo a Mose khehiyo ddeko ddaphaama nnddo ddinawa koma tti muuthuuchive wa ddeko ddaphaama nnddo ddinawa vawi khenawora oweelliha athu o machimwiiwa vooheraatthini mukutho orive muyakha.

Yohane 5:46

Mwamukhulupililalleke Mose, mweerokikhulupilila miyaano kaambiiwa olliye aalemba dda miyaano.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Masalimo 118:22

Nlluku nno nakhootiwe ni oomaka enyumba nenna naakhalla nlluku noopaalleya.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Yesaya 52:13

Apwiya enallota wi, “Oorumeyellaaka aneeropambana va muttekwaaye, aneerowellihiwa ni otitimihiwa, aneerovahiwa olemu wunchichi.

Genesis 22:18

Vawi weyaano wookiiwellella navettho mitundu ddittheddene dda va ellapo yavatthi ddineerodalisiwa oyeella mwa edduullu ddawo.’ ”

Aheberi 9:8

Munepa Waweella annahuddiha mwawiiweya phaama dda ddeko ddittheddenenndda wi ettilla yoovollowella mu nipuro naweellesesa khenahulliweve waarimi musasa wakhallooyo orivove.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Zekariya 14:4

Nllapo nenno eneerewiimella va mwaango wa Olivi oyo ori wookhuma nndduwa wa Yerusalemu. Mwaangooyo oneerokawiwa veelli ni ntapo nuullupalli noovenyera wookhuma nndduwa ophiyera woovollowa nndduwa. Hafu a mwaangooyo anaasuselle ompoto nave hafu mmoddooyo omwera.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Ezekiele 17:22

“Mi Apwiya Mulluku kinallota wi, ‘Kineerophareella etthoka ya enthambi ya muteekho wamukunguza nave kineerowaalla. Kineerewinttakavo etthokatthoka nave kineeroyaalla vamwaangoni woorekamesesa.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Numeri 35:25

Athu attheene emuvulluse oomwiipha mukhwaayooyo m'mattani mwa mbalaaye a awiiphiwooyo. Nave emuhokolloselle omuzindani woothawellawo nko athawenlleeye. Aneerokhalla wenko ophiyera mullupa mukutho muullupalli akhwille.

Numeri 21:8

Vano Apwiya yaamulleella Mose wi, “Opange enowa ya mukuwa nave oyitthomeye vamuteekhoni. Arive muthu oyo allumiwe, aweha enoweeyo, aneerokhalla ni okumi.”

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yohane 3:14

Nave Mose aatthomeya niphwanaphwaniho na enowa vamuteekhoni muchipululuni, emoddamoddave yeeyo mi Mwaana a Muthu kinaphwanella wi kitthomeyiwe vamutandani,

Luka 24:46

Nave aallotattho wi, “Ddoolembiwa wi Mesiya anapaalleya wi allakiwe nave avenyettho wa ookhwa nllapo naneeraru.

Yeremiya 33:14

Apwiya enallotattho wi, “Ngoonani, enthawi enimawa mvo kinaakwakhwaniheemi nnddo kaalonjezilleemi athwaaka a o Israele ni a o Yuda.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Aheberi 7:1

Melkizedeki aari mwene a o Salemu navettho mullupa mukutho oomurumeyella Mulluku Muullupalli. Abrahamu aweeye ovenyera okhotoni nko aagonjihalleeye mamwene masese, aakumana ni Melkizedeki* nave Melkizedekooyo aamudalisa.

Aheberi 3:5

Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

Mitteko 7:37

Moseene tti yoolle allotille wa athu a o Israele wi, ‘Mulluku aneerewuurumihellani namallotella ovenyera mwa nyuwaano, wonanko miyaano.’

Luka 22:37

Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Luka 9:44

“Muhitiwalle kinapaalleemi wi kuulleelleni vawi mi Mwaana a Muthu kineerovelleelliwa wa athu.”

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Mateyu 26:54

Koma keera ddiiddo, mawu a Mulluku enaakwakhwanihiwe mwawiidde vawi ella sika enaphwanella wi yeereye?”

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Mariko 9:31

kaambiiwa aahuddiha oohudderaaye wi, “Mi, Mwaana a Muthu, kineerovelleelliwa wa ayo enaakiiphe. Koma vavira mallapo mararu kineerovenya wa ookhwa.”

Mateyu 1:22

Ddittheddenndda ddeereyille wi ddikwakhwanelle nnddo yallotille Apwiya mwa namallotella wi,

Mitteko 2:27

kaambiiwa kinnakhulupilila wi khamukihiya o ellapo ya ookhwa, nave khamukihiya mi oororomelleyaanyu aweella wi kuntelle mu mahame.

Mitteko 13:40

Vano chenjerani wi ddallotiwe ni anamallotella ddiheereye wa nyuwaano ddawi,