Luka 24:32 - Mawu a Mulluku

³² Yaallota muthu ni mukhwaaye, “Naahakallalla alloteeye neetaka m'musewuni mulle anilleellaka dda mawu a Mulluku.”

Luka 24:32 ပူးပေါင်းရင်းမြစ်များ

Luka 24:45

Vano aahulla miru ddiwa wi yiiwesese phaama mawu a Mulluku.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Yeremiya 23:29

Vallethi mawaaka enaviha wonanko munllo nave tti wonanko hamala oopwesella nlluku.

Yeremiya 20:9

Kallota wi, “Ngiwa kiwuupuwellattho Apwiya, ngiwa killotellattho mu nnddina niwa.” Apwiya, mawaanyu ennakhara wonanko munllo m'murimani mwaka. Kinneeseesa waasunga muwari koma vatulli viwa kinnaakhumiha, oohivillella.

Masalimo 39:3

Murimaaka waanaviha, kaganizaganizeemi, murimaaka waakhara munllo, ophiyera kaallota wi,

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Miyambo 27:17

Mmo mukoko onaanduselliiwa mukoko mukhwiiwa emoddamoddave yeeyo muthu anahuddera ovenyera wa mukhwaaye.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Miyambo 27:9

Makhura ni ddawunkhella ddinnahakallalliha murima koma ophaama wa mukhwaawo okonne va malangizwaaye.

Mariko 4:34

Khaallota erive ello wa alliwaayo moohiphariha mutteko niphwanaphwaniho. Koma akhalla yeekhaaye ni oohudderaaye aanaatthopoollella ddittheddene.