Luka 24:19 - Mawu a Mulluku

¹⁹ Yesu ahaakoha wi, “Ddawiidde?” Yahaakhulla wi, “Ddeko ddeereyille wa Yesu a o Nazareti. Muthu yoolla aari namallotella nave mitteko ddaye ni mawaaye ddaari ddamasiva vamiitthoni va Mulluku ni athu attheene.

Luka 24:19 ပူးပေါင်းရင်းမြစ်များ

Mateyu 21:11

Athwaalle yahaakhulla wi, “Olla sika Yesu namallotella oovenyera o etawoni ya Nazareti a echigawo ya Galileya.”

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Mitteko 2:22

“Iwellellani mawaalla, Aisraele nyu! Yesu a o Nazareti aari muthu arumiwe ni Mulluku wa nyuwaano. Mulluku ahuusimikizellani vaweerani ddoottikhiniha ni ezizindikiro oweella mwa olliyooyo variyari vanyu wonanko nyuwaano aneenaanyu moonilleenyu.

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 4:19

Mutthiyanoolle allota wi, “Kohoona wi nyuwaano tti namallotella.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Luka 7:16

Athu attheene yahoova, yaamba omutitimiha Mulluku ellota wi, “Namallotella ohooneya variyari vahu! Mulluku oowa wi aavulluse athwaaye!”

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Yohane 7:52

Yaamwaakhulla olliye wi, “Wettho onavenyera o Galileya?” Huddera mawu a Mulluku nave oneerodduwella wi khaavo namallotella anavenyera o Galileya.

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.

Luka 24:18

Mmoddooyo nnddina naye Keleopa, aamukoha wi, “Nyu tti mulleto yooyove mu Yerusalemummu ahinadduwella ddeko ddeereyille mallapo yaalla?”