11 Koma amurummwaayo kheyaapharihalle mutteko mawaalla nave kheyaakhulupililalle atthiyanaayo.
Koma yiiwalliiwa wi Yesu aari mukumi ni wi aamoona, kheyaamukhulupililalle Mariyooyo.
Vano Yesu aallota wi, “Athu ookarangeya nyu, mookhalla ni olesi voohikhulupililani ddittheddene yallotille anamallotella!
Apwiya yanihokolloselliiwa o Ziyoni, nakhalla wonanko ninimalloha.
Naari kamwiithanilleke, olliye aakhulla, nginakhulupilila wi eerewiiwa mawaaka.
Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.
Nave Petro aamuthwara akhumaka mundendemmo koma khaadduwella wi ddeera mungelooyo ddaari ddawoona, olliye aganiza wi anoona m'masomphenya.
Vano mulangizi oororomelleya amwene aamukoha muthu a Mulluku wi, “Naari Apwiya aneena emurupihalle murimu munchichi mwawiidde, ddenndda ttuuweereya?” Nave Elisha aallota wi, “Ddawoona, oneeroddoona ddennddo ni miitthwaawo koma khoddicha.”
Yaahokollowa eya yaalleella akhwiiwa koma kheyaawakhulupililalle.
Vatulli viwa ahooneya wa oohuddera khumi ni mmoddaayo mvo yachiiwa. Ahaahumullulla ekaamba yoohikhulupilila ni wumma murima wiwa voohaakhulupililani ayo yamonne avenyille wa ookhwa.
Koma kheyaakhulupililalleseve ekaamba ya ohakallalla ni ottikhina, vano ahaakoha wi, “Mookhalla ni yawi muche?”