Luka 23:43 - Mawu a Mulluku

⁴³ Yesu aallota wi, “Kinimuulleella ddawoona wi ollello vaava oneerokhalla ni miyaano mu Paradizo.”

Luka 23:43 ပူးပေါင်းရင်းမြစ်များ

Yawuupullulla 2:7

“Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Yohane 14:3

Nave kuukhozerani nipuronno, kineerohokollowa wi kuukuseni nithaanane wi mwakhalle nko kinaakhalleemi.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

2 Akorinto 5:8

Ninnallipa murima wunchichi koma Waaweerokhalla phaama okhumamo m'mwiillini mwahummu ni okhalla owaani ni Apwiya.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Luka 23:42

Nave aallota wa Yesu wi, “Yesu, mwakuupuwelle mwawa muphiya mu omwenaanyu!”