Luka 23:13 - Mawu a Mulluku

¹³ Pilato aamwiithana allupa mukutho uullupalli, attekweene a Ayuda* ni athu attheene.

Luka 23:13 ပူးပေါင်းရင်းမြစ်များ

Yohane 18:38

Pilato ahaakoha wi, “Vano yawoona tti tini?” Nave aallotilleeye ella, Pilato aayattho wa Ayuda allota wi, “Nginamphwanyana orive mullatu.

Mariko 15:14

Nave Pilato ahaakoha wi, “Eerille tini yoonanara?” Koma yaakhuwa moollipiha wi, “Mumutthomeye vamutandani yooyo!”

Yohane 19:4

Nave Pilato aakhumattho vaatte allota wi, “Kinimamukusella wa nyuwaano vaatte wi mudduwelle wi nginaphwanya mullatu mwa olliyooyo.”

Luka 23:35

Athu yahiimella enoonella nave attekweene a Ayuda yamullotelliiwa epewe wi, “Aanaavullusa amodda, muhiyeni iivulluse yeekha, aari Mesiya ootthoolliwa ni Mulluku!”

Luka 24:20

Allupa mukutho uullupalli ni attekweenaahu yaamuvelleella wi iipiwe mullatu ni wiiphiwa nave yaamutthomeya vamutandani.

Yohane 3:1

Vaakhalla muttekweene a Ayuda,* nnddina naye Nikodemo, oyo aari a mulloko wa Afarisi.*

Yohane 7:26

Ngamooneni annallota vawooneya koma attekweene khenallota ello wa olliyoolla. Apaalle alliwaalla ennadduwella wi yoolla tti Mesiya?*

Yohane 7:48

“Moodduwella wi khaavo naari mmodda a attekweene a Ayuda naari Mufarisi mmodda oyo amukhulupililalle olliyoolle.

Yohane 12:42

Vano attekweene a Ayuda* anchichi yaamukhulupilila Yesu. Koma ekaamba ya Afarisi khayooniha vaweella woova wi kheyaakhullelliwa ovollowa mu enyumba yamavekello.

Mitteko 3:17

“Nave vano, akhwaakanyu, kinnadduwella wi nyuwaano ni attekweenaanyu mwaamweerella ddenndda Yesu ekaamba ya ohidduwella wanyu.

Mitteko 4:5

Vano osaka wene oohoollella ni attekweene a Ayuda* ni ahuddihi a malamulo* yaatthukumana o Yerusalemu.

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.