Luka 22:42 - Mawu a Mulluku

⁴² Aallota wi, “Attiitthaaka, mwaapaallaka mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Luka 22:42 ပူးပေါင်းရင်းမြစ်များ

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Mariko 14:36

Nave avekellattho wi, Abba, Attiitthaaka ddeko ddittheddene ddinaworeya ni nyuwaano. Mukivenyiherevo kapu a ddookatamihoolla. Ohiri opaalla waka koma opaalla wanyu weereye.”

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Mateyu 20:22

Koma Yesu aawaakhulla anamwanaayo wi, “Khamunadduwella eyo munavekeenyu. Muneerowora omuwiryella kapu a ddookatamiha oyo kinaamuwiryelleemi?” Yaayo yahaakhulla wi, “Nineeromuwiryella.”

Yohane 5:30

“Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yesaya 51:22

Apwiya, Apwiyaawo, Mullukwaawo, ayo enuutetezella enallota wi, “Ngoona, koowaakha kapu oohahareyiha, kapu oyo kawinnyalleemini kishille murima khamuwa mumuwiryattho.

Mateyu 26:44

Nave ahaahiya wiillittho avekella enthawi yaneeraru, allotaka mawu mamoddamoddave yaalle.

Yeremiya 25:15

Apwiya Mulluku a Israele, yaakilleella wi, “Omukuse kapu olla ooddalla ni owallaaka nave waawiryihe athu a mitundu ddittheddene nko kinaawurumeemi.

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.

Mateyu 6:10

omwenaanyu owe, opaalla wanyu weeriwe, vatthimva wonanko ooddullu.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 11:26

Ee, Attiitthaaka, nndda ddeereye kaambiiwa ddahuuhakallallihani.

Luka 23:34

Yesu aallota wi, “Attiitthaaka, mwaakhululukelle vawi khenadduwella eyo eneeriiwa.” Vano akhoto yaakawana ddoowara ddaye mwawoombesa.

Mitteko 21:14

Vawi khaaniiwenlle, sika naamuhiya nave naallota wi, “Opaalla wa Apwiya weereye.”