Luka 22:37 - Mawu a Mulluku

³⁷ Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”

Luka 22:37 ပူးပေါင်းရင်းမြစ်များ

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Luka 23:32

Athu eelli ayo yaari ezigawenga, yaakusiwattho wi yiiphiwe vamodda ni Yesu.

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Yohane 17:4

Miyaano kohuutitimihani nyuwaano mu ellapo yavatthi vawi koomalliha mutteko oyo mwakivahilleenyu wi kiphare.

Yohane 10:35

Ninnadduwella wi mawu a Mulluku enallota ddawoona enthawi ettheene. Nave Mulluku ahaaromolla athu ayo aavahilleeye mawaaye, milluku.

Luka 18:31

Yesu ahaakusella oohuddera khumi ni eelli vakhwipi allota wi, “Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko.

Luka 22:22

Vawi mi, Mwaana a Muthu, kineerokhwa moollikana ni mmo Mulluku aganizereeye koma ootulli tti muthu anaakivelleellooyo!”

Mariko 15:27

Vano yaatthomeya vamutandani ezigawenga piilli vamodda ni Yesu, mmodda o nnattanatta ni mmoddooyo o nnatta noonyottho.

Luka 22:36

Yesu aallota wi, “Vano, oyo arina makobiri apaalle nthumba na voolendoni anaphwanella wi akuse. Nave oyo ahinna nsupada akullihe yoowaraaye wi akulle nsupada.

Luka 22:52

Vano Yesu aallota ni allupa mukutho uullupalli ni oowehera enyumba ya Mulluku ni attekweene a Ayuda* yawiille vaavwaayo wi, “Ethiyo muphiyalle ni masupada ni ekoonda wi mukimake wonanko miyaano tti echigawenga?

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.