Luka 22:36 - Mawu a Mulluku

³⁶ Yesu aallota wi, “Vano, oyo arina makobiri apaalle nthumba na voolendoni anaphwanella wi akuse. Nave oyo ahinna nsupada akullihe yoowaraaye wi akulle nsupada.

Luka 22:36 ပူးပေါင်းရင်းမြစ်များ

1 Atesalonika 3:4

Vawittho naariihu ni nyuwaano, nahuulleellani moovallallella wi nineerohoosiwa. Mwawi ddiiddo ddaheereya wonanko mmo munadduwellaanyu.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

1 Petro 4:1

Vawi Khrisitu mwiillaaye waahoosiwa, nyuwaanottho mwiillipiheke weekhiinyu ni maganizo amoddamoddave yaayo aariiyena kaambiiwa oyo mwiillaaye wahoosiwe oohiya ochimwa.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Mateyu 10:10

muhikuse nthumba na voolendoni naari malaya mamodda apaalle esapato naari ekopo. Allupa mutteko enaphwanella ovahiwa ddoopaalla ddiwa.

Luka 22:35

Yesu ahaakoha oohudderaaye wi, “Kuurumalleemini kuulamulani wi muhikuse makobiri, nthumba na voolendoni apaalle esapato, mwaapaalla ello?” Alliwa yaallota wi, “Khanaapanlle ello.”

Luka 22:37

Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”

Luka 22:38

Oohudderaayo yaallota wi, “Apwiya, ngoonani, nookhalla ni masupada meelli vaava!” Yesu ahaalleella wi, “Ddookwakhwanella!”