Luka 22:35 - Mawu a Mulluku

³⁵ Yesu ahaakoha oohudderaaye wi, “Kuurumalleemini kuulamulani wi muhikuse makobiri, nthumba na voolendoni apaalle esapato, mwaapaalla ello?” Alliwa yaallota wi, “Khanaapanlle ello.”

Luka 22:35 ပူးပေါင်းရင်းမြစ်များ

Luka 10:4

Muhikuse makobiri apaalle nthumba na voolendoni apaalle esapato nave muhiimelle va ettilla wi mumuvahe muthu mooni.

Luka 9:3

Ahaalleella wi, “Muhikuse ello voolendonoolla naari ekopo yaweetana, nthumba na voolendoni, yoocha, makobiri naari malaya mamodda.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Masalimo 23:1

Apwiya sika mbusaaka, kheyiivo kinaapaallekeemi.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Luka 22:34

Koma Yesu aallota wi, “Kinallota ni weyaano Petro, mahiiyu yaalla mutthupi ohininlle, onaakhalle okikhootille oraru.”

Luka 22:36

Yesu aallota wi, “Vano, oyo arina makobiri apaalle nthumba na voolendoni anaphwanella wi akuse. Nave oyo ahinna nsupada akullihe yoowaraaye wi akulle nsupada.

1 Mamwene 11:22

Koma Farao aamukoha wi, “Enuurama wuno tti tini eyo enaweeriha wi ohokollweelle o ellapo yoowaninyu?” Nave ahaakhulla wi, “Kheyiivo koma kaakhullelleni wi kirowe.”

2 Akorinto 8:15

Ddoolembiwattho mu mawu a Mulluku wi, “Ayo yatthukumanihalle ddinchichi, kheddaahanlle nave ayo yatthukumanihalle vang'ono, kheyaayelleelle.”