Luka 22:31 - Mawu a Mulluku

³¹ “Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

Luka 22:31 ပူးပေါင်းရင်းမြစ်များ

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Zekariya 3:1

M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.

Yawuupullulla 12:10

Sika kahiiwa mawu ookhuwa ovenyera ooddullu awi, “Vano ovullusa, masiva ni omwene wa Mulluku nave olamulello wa Mesiya* ddoophiya. Vawi oyo aniimella vamiitthoni va Mullukwaahu aavaanyihaka asinnihu ni arokorihu otthaana ni mahiiyu ahiikarihiwawo oddullu wuno.

Amosi 9:9

“Vawi kineerolamula, kineerewaatikhella Aisraele nngu ni nngu variyari va mitundu ddittheddene dda athu wonanko mmo enaveethella etthello ovenyihamo ddoohikhalla ni mutteko ddittheddene.

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 26:30

Yahiipa nchipo nave yaakhuma eya o mwaango wa Olivi.

1 Akorinto 5:5

Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

2 Akorinto 2:11

Neereke nndda wi Satana ahiphwanyellevo ekari vawi ninnadduwella misampha ddaye.

Yesaya 28:28

Tirigu khanuuputhiwesesa woova wi anaanyenyeye. Enamuuputha vaweetihavoni nigareta koma oohinyenya m'middwiiwa.