Luka 22:30 - Mawu a Mulluku

³⁰ Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Luka 22:30 ပူးပေါင်းရင်းမြစ်များ

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Luka 14:15

Mmodda a athu ayo yacha ni Yesu iiwalleeye mawaalla aallota ni Yesu wi, “Oodalisiwa tti muthu anaawe akhallevo vamachellelloni mu omwene wa Mulluku.”

Luka 12:37

Oodalisiwa tti allupa mutteko ayo pwiiwa aawaaka anaaphwanyeeye ehinakone, emutiyeraka! Ddawoona, kinimuulleellani wi, pwiiwooyo aneerom'makella laambaaye, aakeraatthiha voochella nave aamba waarumeyella.

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

2 Samuele 19:28

Vallethi athu attheene a munibanjani na attiitthaaka yaari oophwanella wiiphiwa ni nyu apwiyaaka amwene. Koma mi oorumeyellaanyu mwaakitthoolla wi kicheke nimodda ni nyuwaano. Vano ehanlle tti tini wi kuuvekeni mukeerelle echifundo, nyu amwene?”

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.