Luka 22:26 - Mawu a Mulluku

²⁶ Koma nyuwaano khamunaphwanella weera ddiiddo vawi muullupalli variyari vanyu akhalleke wonanko mung'onong'ono nave oohoollellooyo akhalleke wonanko oorumeyella.

Luka 22:26 ပူးပေါင်းရင်းမြစ်များ

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Petro 5:3

Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Mariko 9:35

Yesu aakeraatthi vatthi, ahaatthukumaniha oohudderaaye khumi ni eelli, allota wi, “Oyo anapaalla okhalla muullupalli akhalle mung'onong'ono mwa attheenenyu nave akhalle oorumeyella a attheene.”

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Mateyu 20:26

Wa nyuwaano ddihikhalleke ddiidda. Koma muthu apaalla okhalla muullupalli anaphwanella akhalle oorumeyella a attheenenyu.

Mariko 10:43

Wa nyuwaano ddihikhalleke ddiidda. Koma muthu apaalla okhalla muullupalli anaphwanella akhalle oorumeyella attheenenyu.