Luka 22:20 - Mawu a Mulluku

²⁰ Emoddamoddave yeeyo, emanlle omucha buledoolle ahaavaha kapu, allota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka ekaamba ya nyuwaano.

Luka 22:20 ပူးပေါင်းရင်းမြစ်များ

1 Akorinto 11:25

Emoddamoddave yeeyo, emanlle omucha buledoolle yahaavaha kapu, ellota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka.” Erive enthawi mwaaweeraka yeella mweereke ddiiddo mookuupuwella miyaano.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

Zekariya 9:11

Apwiya enallota wi, “Ekaamba ya echipanganwaaka ni nyuwaano eyo yallipihiwe ni nikhame na mikutho, kineerewaakhumiha mu nlliti noohikhalla ni maaddi athwaanyu ayo erive wuukaporoni.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Eksodo 24:8

Vano Mose aakusa nikhame na m'mbaleninne aamiddana athwaayo nave aallota wi, “Nikhame nenna sika ninasimikiza echipangano eyo Apwiya ekeraatthihalliiwa ni nyuwaano vawuuvahani mawu mattheenaalla.”

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Yeremiya 31:31

Apwiya enallota wi, “Mallapo enimawa mvo kinaakeraatthiheemi echipangano yanaanweene ni athu a o Aisraele ni a o Yuda.

Aheberi 9:17

Nndda ddinattaphullella wi kalata yoolla khanaphara mutteko muthooyo aahikhwa.

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

Mariko 14:24

Yesu aallota wi, “Nna tti nikhame naka noollipiha echipangano ya Mulluku, nookhumihiwa ekaamba ya athu anchichi.