Luka 22:19 - Mawu a Mulluku

¹⁹ Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Luka 22:19 ပူးပေါင်းရင်းမြစ်များ

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

Luka 22:20

Emoddamoddave yeeyo, emanlle omucha buledoolle ahaavaha kapu, allota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka ekaamba ya nyuwaano.

1 Akorinto 10:4

Nave attheene yaawirya yoowirya emoddamoddave yeeyo ya munepa. Yaawirya mu nlluku na munepa nno naathwara; nave nlluku nenno naari Khrisitu.

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

Yohane 6:51

Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

Mateyu 14:19

Ahaalamula athwaalle wi ekeraatthi vamanasini. Vano aakusa mitthi dda buledi mitthanu ni ehomba piillinndde, aweha oddullu, avekella omuthokoza Mulluku nave amumeyameya buledooyo. Vano aawinnya oohudderaaye wi emuvelleelle wa athu.

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

Luka 22:17

Vano Yesu aamukusa kapu, avekella wa Mulluku moothokoza, allota wi, “Akhellani ella muwirye attheenenyu.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Daniele 2:38

Aahiya m'mattani mwanyu athu, enama ni epallame wi mulamulelleke ddittheddenennddo orive weko ddinakhalliiwa. Muru wa golidoolle tti nyuwaano.

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

Ezekiele 5:5

Apwiya Mulluku enallota wi, “Olla tti Yerusalemu. Koomuhiya variyari va mitundu nave aapheelliwe ni ellapo ddimodda.