Luka 22:17 - Mawu a Mulluku

¹⁷ Vano Yesu aamukusa kapu, avekella wa Mulluku moothokoza, allota wi, “Akhellani ella muwirye attheenenyu.

Luka 22:17 ပူးပေါင်းရင်းမြစ်များ

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Masalimo 116:13

Kineeromutukhullella muddullu kapu a ovullusa wiwa, kineerovekella vooromollani nnddina na Apwiya.

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

Luka 9:16

Yesu aakusa mitthi dda buledi mitthanu ni ehomba piilli, aweha oddullu, avekella omuthokoza Mulluku. Aameyameya nave awinnya oohuddera wi evelleelle wa athwaayo.

Yeremiya 16:7

Khaavo oyo anaamuvahe yoocha muthu awinlla wi amukhurumuse murima ekaamba ya ookhwaayo. Khamuvaha yoowirya wi amukhurumuse murima naari ookhwaayo eri attiitthinnya apaalle amennya.

Deuteronomo 8:10

Muneerokhalla ni yoocha yookwakhwana nave muneerovona, sika vano muneerewaatitimiha Apwiya ekaamba yawi ahuuvahani ellapo yaphaama.”

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”

Mateyu 14:19

Ahaalamula athwaalle wi ekeraatthi vamanasini. Vano aakusa mitthi dda buledi mitthanu ni ehomba piillinndde, aweha oddullu, avekella omuthokoza Mulluku nave amumeyameya buledooyo. Vano aawinnya oohudderaaye wi emuvelleelle wa athu.

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

Mateyu 26:26

Yesu ni oohudderaaye yachiiwa Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye, allota wi, “Kusani, chani, olla sika mwiillaaka.”

Mariko 14:22

Yesu ni oohudderaaye yachiiwa, Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Kusani chani, olla sika mwiillaaka.”

1 Akorinto 10:16

Kapu oyo ninaamuphariheehu mutteko va mugonelo wa Apwiya navettho oyo nnamuthokozereehuna Mulluku, naawiryellaka yeeyo ninnaattana mu nikhame na Khrisitu. Nave buledi ninamumeyameyeehu, namucha yooyo, ninnaattana mu mwiilli wa Khrisitu.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,