Luka 21:34 - Mawu a Mulluku

³⁴ “Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Luka 21:34 ပူးပေါင်းရင်းမြစ်များ

Mariko 4:19

vawi ennaviheeriwa ni dda va ellapo ni okonda eyuuma ni minkhella dda ddoohiyanahiyana. Othengooyo onnakhuneelliwa sika khonakhalla ni ezipaso.

Luka 12:40

Nyuwaanottho mukhozeke kaambiiwa va enthawi eyo muhinadduwelleenyu mi, Mwaana a Muthu, kineeroowa.”

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Yawuupullulla 3:3

Vano upuwellani nnddo mwahuddenreenyu ni nnddo mwiiwalleenyu, mweereke ddennddo nave murukunuwe murima. Mwaahivenya, kineeroowa wa nyuwaano wonanko mullupaawiiya nave khamudduwellattho enthawi kineereemi kiweelle.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Mateyu 13:22

Mmiddo wamorenlle variyari va miiwa onaphwanaphwana ni athu ayo eniiwa othenga. Koma kaambiiwa ennaviheeriwa ni dda va ellapo ni okonda eyuuma, othengooyo onnakhuneelliwa sika khoniimma ezipaso.

Hoseya 4:11

Apwiya enallota wi, “Vinyo akhalle naari musha annoononga ezeru.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Luka 21:8

Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Luka 17:3

Chenjerani ni meerellwaanyu! “Mukhwaawo uuchimwella, omuhumullulleke, arukunuwa murima omukhululukelleke.

Luka 10:41

Apwiya yaamwaakhulla mutthiyanooyo wi, “Marita, Marita, onimoona oviheeriwa ohoosiwaka ni ddeko ddinchichi.

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Miyambo 21:4

Wiitukhulla ni wiinyarulla tti enyali ya oonanara, tti nichimo.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Masalimo 35:8

Yoonongeye moohitiyerella, yaange mu nthavi nooreya weekhiiwa, emorelle mu nlliti nookata aneeniiwa.

1 Samuele 25:36

Abigaile aarowa owaniwa amuphwanya Nabala ari va machellello wonanko a mwene. Nabala aari oohakallalla wunchichi vawi aalezela. Vano mutthiyanoolle khaamulleelle erive ello ophiyera ohinase.

Deuteronomo 29:19

Moonesese wi vihikhalle mmodda a nyuwaano ollello oyo aniiwa mawu yaalla koma anallota m'murimani mwaye wi ddeko ddineeromweetella phaama naari ari awumma murima oowanddeellella weera ddoopaalla ddaye. Ddakhalla ddiiddo, aphaama ni oonanareene eneerewoonongeya.

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Genesis 19:32

Hanko naalezelihe attiitthiihwaalla nave ekone ni hiyaano wi nikhalle ni edduullu.”

Miyambo 23:20

Ohineetaka ni athu oolezela apaalle ni athu eekhwillu oottutthuwa.

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Luka 21:35

Vawi nineerewaaphiyera athu attheene ookhalla va ellapo yavatthimva.

Genesis 19:35

Mahiiyu yaayo yaamulezelihattho nave mwaana mung'onong'onooyo aakona ni attiitthinnya. Vawi attiitthiiwaayo yaari elezelille wunchichi, kheyaadduwella nnddo ddeereya.

Genesis 27:14

Sika Yakobo aaddikusa misote dda epurinnddo nave aayaana wa amennya. Nave Rebeka ahaapeya yoocha yooddiva eyo attiitthinnya yayikondiiwa.