Luka 21:25 - Mawu a Mulluku

²⁵ “Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja.

Luka 21:25 ပူးပေါင်းရင်းမြစ်များ

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yesaya 51:15

“Mi sika Apwiya Mullukwaanyu, oyo anaviddulla enyanja wi mafundiiwa onyakulla, nnddina naka tti Apwiya Amasiva Mattheene.

Mariko 13:26

Vano mi, Mwaana a Muthu, kineerewooneya kiwaaka vamiraponi ni masiva muullupalli ni ntitimiho.

Mariko 13:24

“Enthawi yeeyo ddamalla ddoohoosa ddennddo, nndduwa nineerothiima nave mweeri khowala.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Masalimo 46:3

naari enyanja ddoopeke owalli ni okhuma niphoru, naari miyaango dditthukumelle ekaamba ya othuruma wa enyanja.

Mariko 15:33

Waambeella 12 koloko otthaana ophiyera 3 koloko waakhalla epiphi mu ellapo ettheene.

Yeremiya 4:23

Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

Yesaya 17:12

Otulli! Athu a mitundu ddinchichi ennathiya owaruni wunchichi wonanko onyakulla wa enyanja. Otulli! Athu a mitundu ddimodda ennaturuma wonanko maaddi amasiva.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Luka 21:26

Athu eneerongomowa ni woova, etiyerellaka nnddo ddinaaweereye va ellapo yavatthi kaambiiwa masiva a muddullu eneerotikhiwa.