Luka 21:24 - Mawu a Mulluku

²⁴ Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Luka 21:24 ပူးပေါင်းရင်းမြစ်များ

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Daniele 8:13

Vano kaamwiiwa aweella allotaka nave aweella mmoddattho aamukoha allotooyo wi, “Ethiyo ddinaamalle niini ddinooneya m'masomphenyanndda? Ethiyo mikutho dda nllapo ni nllapo ddinaahiihiwe ophiyera niini? Ethiyo yoonanara yoottholloseella enaakhallevo ophiyera niini? Ethiyo enyumba yamallapello vamodda ni milloko ddakhoto ddooddullunnddo ddinaanyingallelliwa ophiyera niini?”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yesaya 66:19

Kineerohiya echizindikiro vamiitthoni viwa. “Koma vineerokhalla amodda oovulluwa ayo kinaawaarumeemi wa athu a mitundu ddimodda wonanko a o Tarishishi, a o Puti, a o Ludi vamodda ni eeruswiiwa dda miira, a o Tubala, o Yavani ni o ellapo ddawoorekama ayo ehiniiweke dda epillaaka apaalle woona ntitimiho naka. Alliwa eneerollalleya dda ntitimiho naka variyari va athu a mitundu ddimodda.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Maliro 1:15

“Apwiya yahaanyaambusa amasiva attheene ayo yakhalla ni miyaano. Aatthukumaniha mulloko wa athu wi owoononge asombwaaka. Apwiya aamunyingallella mwaana aamutthiyana, Yuda, wonanko mmo mpesa onavotelliwiiwa.”

Yesaya 66:12

Apwiya enallota wi, “Kineerewuuvaha murendelle wonanko muhinje. Eyuuma ya mitundu dda athu eneeroowa wa weyaano wonanko muhinje woosefukella. Munaakhalle wonanko mwaana awaamwa oyo amennya emuupaarelle vakhwipi apaalle enamuttotthella vamakutthani.

Genesis 34:26

Yaamwiiphattho Hamori ni mwanaye Shekemu. Nave voorowani yaamukusa Dina ovenyera mpa mwa Shekemu.

Eksodo 17:13

Nave Yoswa ahaatthollosa Aamaleke ni nsupada.

Luka 21:25

“Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja.

Aheberi 11:34

Amodda yaathiimiha munllo woowalli, amodda yaavulluwa wowiiphiwa ni masupada, yaari oofooka koma yaavahiwa masiva, yaari oollipa okhotoni nave yaawiikariha akhoto eelleto.