Luka 21:22 - Mawu a Mulluku

²² Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Luka 21:22 ပူးပေါင်းရင်းမြစ်များ

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

Yesaya 63:4

Vawi nllapo noohokollosella ddoonanara niri m'murimani mwaka nave muyakha woowoopolla athwaaka woophiya.

Yesaya 34:8

Ella sika enthawi eyo Apwiya eneeriiwa yaahokolloselle adani a Ziyoni ni waateteza athwiiwa.

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Mateyu 1:22

Ddittheddenndda ddeereyille wi ddikwakhwanelle nnddo yallotille Apwiya mwa namallotella wi,

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yesaya 61:2

Aakiruma wi kallalleye muyakha wa echifundo ya Apwiya, nllapo nawaahokollosella ddoonanara adaniiwa. Aakirumattho wi kaakhurumuse murima awinlla,

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Deuteronomo 32:34

“Ethiyo kheddinasungeya mwa miyaano, ni wiipittheya vatthivatthi va murimaaka?