Luka 21:12 - Mawu a Mulluku

¹² Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka.

Luka 21:12 ပူးပေါင်းရင်းမြစ်များ

1 Petro 2:13

Mwiiwellelleke olamulello ottheene wa athu ekaamba ya Apwiya naari Kaisara,* oolamulella muullupalli.

Mitteko 22:30

Oolamulelloolle apaalla wi adduwelle ddawoona ddiwa nnddo Ayuda yamwiipelliiwa mullatu Paulo. Sika osaka wene aamuttaphulla onyolo, aalamula allupa mukutho uullupalli ni attekweene attheene a millatu a Ayuda wi etthukumane. Nave aamukusa Paulo amwiimesa vamiitthoni viwa.

Mitteko 9:4

Ahiikuha nave ahiiwa mawu awi, “Saulo, Saulo! Onakihoosella tini?”

Mitteko 8:3

Koma Saulo aheeseesa woononga mpingo. Aavollowa mu enyumba ddittheddene aapurullamo ookhulupilila attheene, allopwana ni atthiyaneene nave aahiya mundende.

Mitteko 5:40

Yaawiithana amurummwaayo wi evollowe, yahaawashulla, yaalamulella wi ehiromollettho nnddina na Yesu nave yahaattaphulla.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Mateyu 22:6

Amoddaalle yahaaphara allupa muttekwaalle ewuukutha nave ewiipha.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Mateyu 24:8

Ddeko ddittheddenenndda ddinaakhalle wonanko ddoovoreya ddawaamba mwaana aayariwaka.

Luka 21:11

Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu.

Yohane 15:21

Nave eneeroweerellani ddittheddenenndda kaambiiwa muri ookithwara vawi khenamudduwella oyo aakirumalle.