Luka 20:25 - Mawu a Mulluku

²⁵ Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.”

Luka 20:25 ပူးပေါင်းရင်းမြစ်များ

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Mitteko 5:29

Koma Petro ni amurummwa akhwaayaayo yahaakhulla wi, “Ninaphwanella omwiiwellella Mulluku ohiyana ni owiiwellella athu.

Mariko 12:17

Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.” Vano Yesu ahaattikhiniha.

Mateyu 22:21

Yahaakhulla wi, “Dda Kaisara, o Roma.” Vano Yesu aallota wi, “Ddawoona, sika velleellani wa Kaisara nnddo ddiri dda Kaisara nave velleellani wa Mulluku nnddo ddiri dda Mulluku.”

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”

Miyambo 24:21

Mwanaka, owooveke Apwiya ni mwene nave owiiwellelleke attheenaayo.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Luka 20:24

“Ngakooniheni nikobiri nookhomella musonkho! Ekhoveella ni nnddinanna tti ddawani?” Yahaakhulla wi dda Kaisara.